明珠閣 (已結業)

今日下午6时35分已登记6位并取票等候，待7时15分，向所谓最高级男职员查询（男职员自称是最高级），「已等了40分钟了，请问可唔可以尽快安排下入座」，因眼见身边A，B，D票的都已入座，还入了很多张，那位高级男职员无尾音，无礼貌的说「安排唔到㖞」，我唔系要即刻有位，幼稚园都识计2＋2＋2=6 / 3+3=6 / 2+4=6，既然系最高级系咪要分布下入枱次序呢？到我家人问佢点解要等咁耐时，佢既然答食店系无6个位嘅，呢个答案都讲得出，我谂有无能力去做最高级呢个位大家都可以分析下，系咪最高级都唔紧要，最紧要系个态度，有无心去做，只系走两个叫两个，走3个叫3个，食店本来无6个位就唔叫6位，系咪咁做生意？好可笑！即使食物味道唔差，上菜快到火箭都无用，只要有一个无心无礼貌嘅职员，完完全全影响人流及食客情绪，以后我都无兴趣再去沙田明珠阁用膳，怕难为该高级男职员要用心去安排坐位。以上纯粹本人个人意见，只想和大家分享，如果6位要入座真系要好耐心等候！