貝爾特酒廊 (裝修中)

母亲节前夕餐厅提供「母亲节暖心海鲜晚市自助餐」，价钱比佢地平时既自助餐贵少少，但系多咗雪场蟹脚同埋酥炸生蚝。虽然放野食既地方唔大，但系menu入面所有野食都有出现，绝对无呃人！冷盘溏心蛋最好食，花雕鸡翼唔够味，完全食唔到酒味，烟三文鱼比较咸，食落麻麻。海鲜都好新鲜，蟹脚唔会好细只，有淡淡既海水味，赞！熟虾都好弹牙，其他就一般。熟食最推荐系焗扇贝同埋酥炸生蚝，超级新鲜又好味！够胆话好食过好多餐厅酒店！扇贝出咗两转就无再补啦，如果见到就要拎多两只。即煮station有海南鸡饭，鸡肉好滑，油饭就一般。切肉既牛西冷好味，唔会好老。面档有好多选择，都好味。甜品就认真麻麻，不过有Movenpick，净系食雪糕都够啦！另外豆腐花有惊喜，好滑。本身对呢度自助餐无咩期望，但系食完竟然有惊喜，好满意！