California Pizza Kitchen (已結業)

今日去咗CPK食下午茶当系午餐。今日叫咗两个下午茶，一个系「墨西哥鸡肉菠菜面」，另一个系「脆脆烤鸡沙律」。「墨西哥鸡肉菠菜面」十分好味多汁。鸡肉同菠菜面都十分之软熟，入口够香。但食入口我觉得煮面既时候应该加咗好全脂奶或者忌廉，所以虽然好食，但系脂肪含量应该唔低。「脆脆烤鸡沙律」选料十分新鲜，蔬菜有一种天然既鲜甜味，烤鸡肉少油得嚟亦十分滑。蔬菜同烤鸡肉配搭得天衣无缝。至于脆脆，分量唔多，但可以带起沙律味道，可惜始终系油炸。我问过餐厅经理，佢话客人可以要求走沙律酱。怕肥的话可以走沙律酱同唔食d脆脆，因为蔬菜新鲜，就咁食一样好好食。