旺記冰室 (大本型) (已結業)

旺记好多款食物都好出名，今日做完gym就黎食下个下午茶，果然无令我失望！南乳炸鸡脾首先起视觉上已经好震撼，鸡脾肉非常嫩滑，鸡脾皮脆得很，淡淡南乳味起皮同肉中不断渗出，惹味得黎又唔会抢左鸡脾既肉味，一切味道岩岩好！一口奶酱西多士愈简单既食物就愈难做得好、呢个一口西多士真系正到不行！每一粒西多士都好「索」，每口咬落去都索索声！沾上甜甜既奶酱，一口西多一啖冰冻既冻柠茶，人生真好！印尼捞面呢个捞面好多人都识整，但旺记连呢个印尼捞面都做得好好，每条面都弹弹QQ，唔会太硬又唔会太软，咁系煮面者功力既表现！每样食物都超热辣辣烫咀式上台，真系好正！下次一定要试埋佢既招牌叉烧滑蛋饭加甜豉油！