天下毛湘 (裝修中)

某日经过山林道发现开咗一间新嘅湘菜馆，琴晚决定同钟意食辣嘅朋友嚟试下。餐厅装修好别致有中国特色，座位唔会太迫环境几舒服。 坐低后服务员就斟咗杯茶畀我哋，杯荞麦茶好香好好饮呀。四个人点咗六味菜食到爆肚，经 open rice 订有仲有 discount，超抵食。黄金锅巴 - 蛋黄好香，松脆又唔痴牙食到停唔到口火辣臭豆腐 - 叫咗中辣，好惹味好好食孜然猪仔肘 - 啲肉好松化，有肉汁一啲都唔干双色大鱼头 - 鱼肉好滑好鲜味，我哋配咗水晶粉d 粉索埋d汁又系食到舐舐脷竹笼蒸素饺子 - 叫个唔辣清清味蕾，味道也不错拔丝紫薯 - 浸冰水后外皮好脆唔太甜好好味，但入面仲系好热架小心辣亲嘴。原本纠结咗好耐要唔要叫呢个甜品因为实在太饱不过最后都比我地食晒大满足最后要赞嘅系员工服务态度非常好，2位服务员好有礼貌好笑容又亲切，尽力满足顾客要求非常专业。未食完呢餐朋友巳经话 “我地一定会再返嚟帮衬”