家嚐飯 (已結業)

好多年前已喜欢这店的食物，因为标榜少盐少糖无味精，啱晒钟意健康嘅我。但后来经过装修，啲台椅全部换晒用高台椅，啲櫈好似 Bar台櫈咁高，我觉得坐得好唔舒服，所以已经好耐冇再帮衬。今晚经过突然想再试下，结果都系一样，坐到我腰都痛埋，食完拿拿声走。我食嘅系晚市套餐：黑椒猪扒红米饭，送餐汤和饮品，$48 真系几抵！啲红米饭好香软，应该系靓米，黑椒猪扒都算大件，酱汁唔系好重味，食完都唔会口渴，我谂真系冇乜味精；餐汤要了杂菜汤，其实系蕃茄汤，微酸；饮品要了热朱古力，好香朱古力味但又唔会太甜。我对这里的价钱和食物都满意，唯一美中不足系座位真系坐得好唔舒服，令人一食完就要即刻走，如果要约朋友倾下计，这里绝对不宜。