影片
更多
2024-08-25
277 浏览
我一向唔钟意花时间写评论，但我觉得一间食物同风格都咁好嘅舖唔应该因为服务态度而受到影响。8月25号嘅下昼大概2点钟左右，我经过台湾郎，一入门口就有一位中年姐姐拿餐牌招呼我，带我坐喺入面最后第二排靠墙嘅位，然后帮我写咗一碗牛肉汤面，呢刻我好享受餐厅嘅风格、歌曲同服务。过咗几分钟，有一家人入座，其中有一个坐喺我傍边嘅人不停咳，令我有啲唔舒服。我想换位，我见后面有张长木台冇人坐，就问招呼过我果个阿姐可唔可以俾我坐，幸好阿姐理解我坐在此座位的不安感，好友善地答应咗，令我仍然好享受。过咗五、六分钟，一位短头发，大约五、六十岁嘅女士突然冲上嚟，样子好似比我仲要饿，粗声粗气同我讲「你唔可以坐呢张台，呢张台系用嚟摆外卖嘅，如果坐都唔系俾你一个人坐，系俾几个人坐嘅」。我当时O晒嘴，真系莫名其妙，我望一望餐厅前面仲有十几个位，已经唔系繁忙时段，点解唔俾客人坐得舒服啲，好好享受用餐呢？我当场再问一句「系咪我真系唔可以坐」，佢居然大声答「唔可以」，连隔离果张台都望到眼定定地望住，我真系有啲冲动，想同佢理论。幸好招呼我嘅阿姐见到情况，即刻走上嚟安排我转咗另一个位，最终我食晒整个牛肉汤面。我欣赏呢间餐厅嘅牛肉汤面
8月25号嘅下昼大概2点钟左右，我经过台湾郎，一入门口就有一位中年姐姐拿餐牌招呼我，带我坐喺入面最后第二排靠墙嘅位，然后帮我写咗一碗牛肉汤面，呢刻我好享受餐厅嘅风格、歌曲同服务。过咗几分钟，有一家人入座，其中有一个坐喺我傍边嘅人不停咳，令我有啲唔舒服。我想换位，我见后面有张长木台冇人坐，就问招呼过我果个阿姐可唔可以俾我坐，幸好阿姐理解我坐在此座位的不安感，好友善地答应咗，令我仍然好享受。
过咗五、六分钟，一位短头发，大约五、六十岁嘅女士突然冲上嚟，样子好似比我仲要饿，粗声粗气同我讲「你唔可以坐呢张台，呢张台系用嚟摆外卖嘅，如果坐都唔系俾你一个人坐，系俾几个人坐嘅」。我当时O晒嘴，真系莫名其妙，我望一望餐厅前面仲有十几个位，已经唔系繁忙时段，点解唔俾客人坐得舒服啲，好好享受用餐呢？我当场再问一句「系咪我真系唔可以坐」，佢居然大声答「唔可以」，连隔离果张台都望到眼定定地望住，我真系有啲冲动，想同佢理论。幸好招呼我嘅阿姐见到情况，即刻走上嚟安排我转咗另一个位，最终我食晒整个牛肉汤面。
我欣赏呢间餐厅嘅牛肉汤面同风格，但我都提出一啲意见，我希望餐厅老板可以睇到呢篇评论，加强员工嘅服务态度培训，尤其系前线员工，因为佢哋系吸引客人嘅主要途径。出色嘅服务可以吸引客人，而服务唔好嘅员工可能会令客人流失，更坏的是会影响店舖的生意额。
希望呢篇评论可以引起餐厅嘅重视，提高客人满意度。
张贴