法國鵝肝專門店

营业中

休息中

朋友一家系外国番嚟玩，其中一样最想食嘅就系鹅肝。因为朋友有一个岁几嘅小朋友，好多西餐厅都未必welcome，再加上小朋友有食物敏感，好多野都唔食得，所以都唔易揾合适又有质素嘅餐厅。揾左几间，法国鹅肝专门店嘅回应最令人感到窝心。唔知系咪老板听电话呢🤭 佢好快就话可以留BB櫈俾我地，仲话可以特别为小朋友整个啱食嘅意粉，我就决定拣呢间。结果我好庆幸做啱呢个决定。小朋友好钟意老板为佢准备嘅茄汁肉肉意粉。而我地几个大人叫咗唔同菜式，但大家都对每一道好满意。melted cheese 好香、煎鸭肝外脆内软、烟熏鹅肝嘅烟熏味啱啱好，唔会太抢，小青口嘅cream sauce 亦好好味。到咗甜品，我地大人嘅甜品上有蓝苺装饰，小朋友见到好想食，但因为甜品有蛋，小朋友食左会敏感，所系唔可以俾个d掂过蛋嘅蓝苺佢。我哋冒昧地问餐厅可唔可以额外俾少少蓝苺小朋友，佢地好爽快应承。小朋友即刻开心哂。食物好嘅餐厅或者有好多，食物好仲要有人情味嘅就真系唔多。其实我由以前法国鹅肝专门店嘅时候已经帮衬佢，佢搬左去湾仔之后少咗黎，但今次嘅经验重新令我认识佢，摆佢系我嘅Top List。最后再次衷心多谢老板同每一位server嘅