Hungry Monkey (海之戀商場) (已結業)

今晚book咗同屋企人过嚟食饭，本身系想同屋企人慢慢坐喺度倾吓计饮吓嘢，点知最尾食到一肚气⋯叫咗七碟嘢 有三碟都唔系好得，其他都唔错嘅！重点系想讲吓啲服务态度同埋管理思维：因为呢间系一间居酒屋而佢限时60分钟，其实已经系好赶咁冇所谓啦，因为一开始book嘅时候已经知道因为有75折优惠～但系食到都差不多去到20至25分钟嘅时候，我想再叫多一碟嘢Waiter话呢碟嘢已经卖晒，但系我见到其他客人都喺度食紧 唔知点解啦。之后差不多够60分钟嘅时候Waiter再次提我地话要交枱 反而唔系再推介有其他嘢可以嗌…其实够钟交枱唔系问题，但当时仲有一半枱未坐满，而且门口都冇人等紧，我真系唔明白点解要我哋还枱唔可以坐多阵 究竟呢个规矩系咪真系咁紧要，定系只系从打工仔心态出发？完全冇考虑过餐厅嘅利润或者客人嘅体验/感觉呢？呢样嘢有待改善啰，希望公司嘅人会睇到啦。