影片
更多
2022-04-16
823 浏览
食物真心好食，但如果想出去又食得开心，觉得系呢度叫外卖会好少少....下面系我同朋友既亲身经验，有d长，有兴趣可以睇下作参考。🤫------------------------------第一次去梅窝，行山前想食饱先去，去睇下𠮶度既海鲜餐厅，咁啱两间黐埋一齐，就系两间铺头中间出面望门口既餐牌（后面无人排），企左一阵（5分钟都无），有两个阿姐过来，暂且称为A及B，A一路踩对家一路攞餐牌推荐朋友，B「语重心长」同我讲:「阿妹，你地粥粉面饭就去出面𠮶两间啦，我地净食抄野架咋。」如果你个表情唔系一个唔好企系度阻住哂既样😒，我真系多谢你俾意见我地。事关我朋友仲同A睇紧餐牌，我当下只系微笑咁讲：「我地睇下先。☺️」然后因为朋友听唔到B讲咩，同觉得呢间既套餐比较啱佢胃口，结果我地都系入去食。一路入，A一路骂对间餐厅几呃钱咩咩....😣因为套餐入面有一个可以自由点菜（无写价钱限制同边类菜），所以我地问A，佢话可以点98蚊既菜，以上就要加钱。我地就开始睇餐牌，然后A一直盯住我地又嘈我地咁耐都未点，我地睇完餐牌就想点，但佢见到有人来就走开左。我地等佢忙完，就同佢讲要点单，然后佢一来就话我地睇咁耐，咁迟落单。
------------------------------
第一次去梅窝，行山前想食饱先去，去睇下𠮶度既海鲜餐厅，咁啱两间黐埋一齐，就系两间铺头中间出面望门口既餐牌（后面无人排），企左一阵（5分钟都无），有两个阿姐过来，暂且称为A及B，A一路踩对家一路攞餐牌推荐朋友，B「语重心长」同我讲:
「阿妹，你地粥粉面饭就去出面𠮶两间啦，我地净食抄野架咋。」
如果你个表情唔系一个唔好企系度阻住哂既样😒，我真系多谢你俾意见我地。事关我朋友仲同A睇紧餐牌，我当下只系微笑咁讲：「我地睇下先。☺️」
然后因为朋友听唔到B讲咩，同觉得呢间既套餐比较啱佢胃口，结果我地都系入去食。一路入，A一路骂对间餐厅几呃钱咩咩....😣
因为套餐入面有一个可以自由点菜（无写价钱限制同边类菜），所以我地问A，佢话可以点98蚊既菜，以上就要加钱。我地就开始睇餐牌，然后A一直盯住我地又嘈我地咁耐都未点，我地睇完餐牌就想点，但佢见到有人来就走开左。我地等佢忙完，就同佢讲要点单，然后佢一来就话我地睇咁耐，咁迟落单。😕
终于等到上齐菜，食既时候真系几开心，因为都好好食而且好大碟！🤩🤩🤩🤩
朋友食到差唔多，就想点个饭，所以想问价钱，点知又系A，我同我朋友问左好几声个饭系几钱，佢好似完全无听咁，直走去厨房攞碗饭出来，我朋友到佢「啪」一声放左碗饭来，无办法之下再好大声咁问佢个饭几钱，佢先答我地，听完朋友唔想要碗饭，佢地开始好大声骂我地。😔
「你地要个经济套餐就食快d啦，我地d虾好贵架，你地俾咁平食！好多人等紧架，食得咁慢，坐咁耐，食快d啦！」
我地由入餐厅开始计只系坐左30分钟，我都唔系由d菜上枱开始计时，自问系正常既用餐时间，有必要要当着所有人面大声话我同我朋友？（连对面既人地望过来既程度。）同埋个餐系你地提供既，员工对餐牌有意见系同老板讲而唔系同我地讲，如果A系店主咁都可以决定唔出呢个套餐，而唔系将个责任推俾客人。
我朋友俾佢吓一吓，都想急急食完就走，我都觉得唔舒服，但无谓俾钱食饭都要难为自己个胃，于是都系叫朋友照正常速度食完，埋单（埋单既时候特登揾其他人，结果系B，佢帮我地埋单后，我都有正常咁讲句唔该），走人。
个人觉得菜真心好食，而且价钱好抵，但出来玩，都想开开心心食个饭，所以都系推荐唔落。态度呢d见仁见智，餐厅入面都唔系个个系咁，所以都只系想分享下我既经验作参考，觉得明明好食又抵食点知有咁既员工真系太可惜啦。😓
张贴
