竹面譜

营业中

休息中

因为一周年关系，餐厅做紧88折优惠。二人餐百四蚊左右就有齐冬菇花胶捞面、梦王蛋和牛饭、腐乳通菜、炸物6件、饮品，绝对系性价比一流。冬菇花胶都好大只冧身，而且份量唔少，比起市面其他好多花胶菜式抵食，捞面值得一提系好弹牙，而且无碱水味，配埋花胶汁食一流。梦王蛋有4款生熟程度拣，店主推荐试下生食，无蛋腥味，捞饭食令人满足。和牛唔会好重油花，但肉味香浓。腐乳通菜都份量唔少，腐乳味好香，通菜爽口。炸物有唔同选择可拣，两款都大只弹牙。野饮仲有去湿茶，薏米水可以拣，无糖够健康。除左食物性价比超高之外，员工服务态度都一流，当我地唔知拣咩食个时，都好热心过黎俾建议。