Hooray Bar & Restaurant (已結業)

今日朋友生日，选择咗呢间有露天嘅餐厅，谂住可以睇埋日落，饮下酒，非常浪漫。傍晚时候我哋先到达饮野，虽然装有喷雾式降温风扇，但其实香港天气，特别系室外食饭，真系热到成头汗，最不满就系多蚊，一边被蚊咬，一边抹汗。其实我成日都好怀疑露天餐厅，特别又种有花草嘅，驱蚊呢一个环节点解仲梗系做唔好？客人真系好扫兴。食物方面，呢度嘅嘢食价钱中等，适合大家share. 但酒水就唔平，我哋今晚9个人饮咗四支白酒，加其他无酒精食品，埋单5000几6000，酒水同食物嘅价钱各占一半。蘑菇 Rosetto 唔错, 其他食物质素都还可以。呢个猪手，肉汁几好，但系个皮硬到食唔到。最后我地谂住叫个大嘅蛋糕庆祝，但系佢地最大得一磅嘅蛋糕，所以我哋九个人唯有叫两个一磅既，两个接近＄500蛋糕，其实真系麻麻哋好食，尤其是呢个啡色既蛋糕，得个甜字。甘既质素都要二百几蚊，非常之唔抵劝喻，下次如果同朋友庆祝来呢度庆祝，用同等价钱去酒店买个啲好食嘅蛋糕，相信选择会更多、更美味。呢餐每人夹成六百几蚊所食嘅西餐，下次都未必会再嚟。不过见今晚嘅气氛唔错，大家聚得几开心，就俾个OK佢。