韓屋

营业中

休息中

小红书见到，今日同朋友慕名而来呢间韩餐，因本人对参鸡汤情有独钟。Book左7点位置，坐低先被告知限时75分钟。送既萝卜小菜还可以，之后逐个开始上参鸡汤，而我个汤饮之前影相，突然发觉d人参上面有一簇！头发！😨即时倒胃口（如下图参须位置）。同侍应讲左，对方仲话系参须，真系当正我分唔清人参同头发。之后对方就话帮我换过份，亦冇道歉。又浪费左一阵时间，终于重新上左汤，第一淡都还可以，饮饮下觉得越来越冇参味。。。而且鸡上面d参须亦寥寥无几，完全冇小红书d图咁多，唔知系咪有推广。荞麦面口感好塌，好软，完全唔弹唔爽口，同个汤搭配显得好淡。相当一般。重点系因为佢重新做过个汤，拖左时间，最后我食到一半就要求我哋买单，不停催我哋走。最终我份饭先食左一半就要离开，根本冇食饱。而对方根本唔在乎d顾客感受，只想快d接待下一围台。成餐饭食到翳气，唔知呢种餐厅有咩资格令人排队，两百几一个人就呢种水平，绝对唔会revisit。