影片
更多
2021-09-19
1418 浏览
华苑潮州阁（尖沙咀）朋友介绍呢间系正宗潮州菜，食物好有质素，同家人一齐嚟中秋做节。餐厅座位唔算多，而且好多都系包厢或卡位，几有私隐。🔅芋茸香酥鸭呢个好食，外皮嘅有酥香，馅料又有芋头嘅粉嫩软滑，亦有鸭味，三者和谐协调。⭐️推荐指数：8/10🔅蚝烙呢个又系好食，非常足料，爆多蚝仔，而且蛋有蛋香。蚝饼嘅口感唔系好多粉或者空气，而系好实在，淡淡都好满足。⭐️推荐指数：8/10🔅卤水三并话就话系三并，但其实有鹅肝、鹅片、鹅肉、鹅肠、鸡蛋、芽菜。👉卤水汁带少少花椒嘅辣，食肉唔觉，但食芽菜等等沾得比较多卤水汁嘅食材，就会有少少辣嘅感觉，同时只有淡淡嘅药材味，唔会好似其他餐厅嘅卤水用药材味冚晒食材嘅味道。👉最好食系鹅肝，完全冇任何苦味，入口未算即溶但几软滑，同法式鹅肝爆油口感系另一种感觉。👉鹅肠有少少爽口，但比较难咬断，食多两条牙骹有啲软。👉鹅片韧，口感粗糙，连皮带骨嘅鹅肉反而比较好食，鹅皮亦带油香。⭐️推荐指数：6/10 （建议只点卤水鹅肝）🔅糖醋伊面 双面王面炸得外脆内软，随自己口味加糖加醋，好邪恶但好好味！⭐️推荐指数：8/10🔅乌豆沙水晶球出乎意料好食！豆沙微甜，带陈皮味，食完唔会觉得饱滞，反而想食多
朋友介绍呢间系正宗潮州菜，食物好有质素，同家人一齐嚟中秋做节。
餐厅座位唔算多，而且好多都系包厢或卡位，几有私隐。
🔅芋茸香酥鸭
呢个好食，外皮嘅有酥香，馅料又有芋头嘅粉嫩软滑，亦有鸭味，三者和谐协调。
⭐️推荐指数：8/10
🔅蚝烙
呢个又系好食，非常足料，爆多蚝仔，而且蛋有蛋香。蚝饼嘅口感唔系好多粉或者空气，而系好实在，淡淡都好满足。
⭐️推荐指数：8/10
🔅卤水三并
话就话系三并，但其实有鹅肝、鹅片、鹅肉、鹅肠、鸡蛋、芽菜。
👉卤水汁带少少花椒嘅辣，食肉唔觉，但食芽菜等等沾得比较多卤水汁嘅食材，就会有少少辣嘅感觉，同时只有淡淡嘅药材味，唔会好似其他餐厅嘅卤水用药材味冚晒食材嘅味道。
👉最好食系鹅肝，完全冇任何苦味，入口未算即溶但几软滑，同法式鹅肝爆油口感系另一种感觉。
👉鹅肠有少少爽口，但比较难咬断，食多两条牙骹有啲软。
👉鹅片韧，口感粗糙，连皮带骨嘅鹅肉反而比较好食，鹅皮亦带油香。
⭐️推荐指数：6/10 （建议只点卤水鹅肝）
🔅糖醋伊面 双面王
面炸得外脆内软，随自己口味加糖加醋，好邪恶但好好味！
⭐️推荐指数：8/10
🔅乌豆沙水晶球
出乎意料好食！豆沙微甜，带陈皮味，食完唔会觉得饱滞，反而想食多粒！
⭐️推荐指数：9/10
🔅百合茨实糖水
好足料，百合清甜，茨实烟韧，糖水我觉得略甜咗少少，再淡番啲会更好。
⭐️推荐指数：7.5/10
🔅服务
冲茶结果茶壶神秘消失，功夫茶等十分钟都无影。
⭐️殷勤指数：2/10
总评：食物真实质料，味道中上，服务需提升。
张贴
