茶舍 (北帝街)

营业中

休息中

一早帮朋友搬屋去土瓜湾，做完嘢之后朋友去买午餐回来食，佢话楼下茶舍系港式茶餐厅，食物水准都唔错！慢煮咖喱牛腩饭，牛腩和薯仔入味够林，咖喱汁又香又浓郁，捞饭食一流！米兰肉酱焗扁意粉，碎肉加上特制酱汁，味道浓郁惹味，扁意粉软硬适中。菠萝鲜茄三层芝士焗猪扒饭，猪扒厚切好大块，肉质鲜嫩唔会鞋，以菠萝鲜茄加上三层芝士焗至金黄色，味道酸甜甚惹味，饭底用蛋炒香先去焗，特别香口。氹仔风味猪扒包，先将猪扒煎香，再将包焗脆，加上生菜和酱汁，又香又美味。猪扒入味肉质软嫩。滋味脆薯条系即炸，拎到返都有少许脆口，唔会好油腻。热华田和鸳鸯够浓够味！