華宴食府

营业中

休息中

讲到近嚟大热嘅商场，一定系南区嘅 THE SOUTHSIDE，入面有间新酒楼 华宴食府，听教书嘅阿妹讲，成日都大排长龙，今晚一于去试下。店内装潢几有气派，半拱形灯饰及型格墙身，充满格调😎。香辣口水牛展 $98薄切牛展牛味香浓，口感爽口结实，混合香辣酱汁及青瓜丝，十分惹味香口😋。金奖虾酱海珊骨 $138虾酱排骨炸得十分香口，肉排肥瘦相间，肉味五咸香鲜味，入口软腍松化，带阵阵油脂香味，十分好🤤，难怪枱枱都叫💯。贵妃酱脆虾球 $148虾球🦐肉质爽口弹牙，表面一层薄薄的炸酱，炸得非常松脆，混入菠萝🍍、士多啤梨🍓及火龙果碎果粒，增添清新味道又可解腻，再加入沙律酱，更加好味又醒胃😋。豉汁凉瓜炒安格斯牛肉 $148安格斯牛肉片🐂肉味香浓，口感软嫩滑溜，鼓汁味道唔太重，令牛味及凉瓜味道更突出，凉瓜片吸收咗肉汁及豉汁后，味道咸鲜甘香😋。XO酱海鲜炒鸳鸯米 $148虾仁🦐爽口弹牙，配菜丰富有叉烧、银芽、韭黄、蛋丝及葱丝，再加入粉丝及幼身米粉一齐炒至香口干身，口感十分丰富😋。价钱合理，食物有质素，如果可以加返多啲人手就更理想。