華宴食府

营业中

休息中

講到近嚟大熱嘅商場，一定係南區嘅 THE SOUTHSIDE，入面有間新酒樓 華宴食府，聽教書嘅阿妹講，成日都大排長龍，今晚一於去試下。店內裝潢幾有氣派，半拱形燈飾及型格牆身，充滿格調😎。香辣口水牛展 $98薄切牛展牛味香濃，口感爽口结實，混合香辣醬汁及青瓜絲，十分惹味香口😋。金獎蝦醬海珊骨 $138蝦醬排骨炸得十分香口，肉排肥瘦相間，肉味五鹹香鮮味，入口軟腍鬆化，帶陣陣油脂香味，十分好🤤，難怪枱枱都叫💯。貴妃醬脆蝦球 $148蝦球🦐肉質爽口彈牙，表面一層薄薄的炸醬，炸得非常鬆脆，混入菠蘿🍍、士多啤梨🍓及火龍果碎果粒，增添清新味道又可解膩，再加入沙律醬，更加好味又醒胃😋。豉汁涼瓜炒安格斯牛肉 $148安格斯牛肉片🐂肉味香濃，口感軟嫩滑溜，鼓汁味道唔太重，令牛味及涼瓜味道更突出，涼瓜片吸收咗肉汁及豉汁後，味道鹹鮮甘香😋。XO醬海鮮炒鴛鴦米 $148蝦仁🦐爽口彈牙，配菜豐富有叉燒、銀芽、韭黃、蛋絲及蔥絲，再加入粉絲及幼身米粉一齊炒至香口乾身，口感十分豐富😋。價錢合理，食物有質素，如果可以加返多啲人手就更理想。

This new Chinese restaurant in Southside offers a captivating blend of traditional Cantonese flavours and a contemporary design that creates a remarkable dining experience. The menu is a celebration of Cantonese cuisine, with a focus on high-quality ingredients and innovative techniques. They are even offering dining discounts during this new promotional period.For us, the standout dish, without a doubt, is the char siu. Perfectly marinated and expertly roasted, the pork is melt-in-your-mouth te

排了一個小時的隊才能入座，坐下之後又等了一個小時菜都沒上齊，催了2次都沒人理我，也不幫忙取消，只能坐在這裡等著。吃完的碗碟子也沒有人收。明明做好了一車子的食物，一直放著也沒有人上菜，等我拿到菜都涼了。服務員走來走去不知道在忙啥。早茶的食物確實還不錯，沒有到很驚艷，但是考慮到還要排很長的隊，我覺得沒有必要專門排這麼久的隊來吃飯，個人不會再來了，不推薦。點了鮑魚炒飯、蘿蔔糕、小籠包，鳳爪、蝦餃、紅腸粉

呢間酒樓的門面好似很高級，於是入去一試。點了一個叉燒飯，叉燒兩面燶晒，本人要求侍應換過一碟，但她只叫廚房切去燶咗嘅皮，但侍應講大話，說已經換咗另外一碟，侍應還黑口黑面。仲有就係我已經講咗話叫五樣點心，最後落單都係落漏咗一樣，等咗好耐，侍應幫我check先知真係漏咗單。究竟啲侍應有冇聽清楚客人嘅要求同指示呢？其實酒樓客人唔多，但上菜速度很慢，落單人手不足，喺南區，如：香港仔，質素竟然會好過呢間。環境衛生一般，碗筷洗得唔夠乾淨，有食物漬，座位又多食物殘屑，喺這個新開的商場有這間質素的酒樓，真令人有點失望。這間酒樓我只試一次，唔會再有下一次。

華宴食府 (黃竹坑)食物: 水晶帶子菜苗粿😋😋😋黃金鮮味蝦餃王😋😋😋XO醬蒸鳳爪😋😋蟹籽鮮蝦燒賣😋😋牛肉軟滑腸粉（下午茶優惠紙）😋😋點心質素唔錯👍🏻😋。不過點心紙上面就搵唔到有牛肉腸粉，喺下午茶優惠度先見到有，就唔知遲啲點心紙上面會唔會有返呢一個腸粉。在平日接近下午茶時間去等，都等左一陣先有位。環境唔錯既，但每張枱之間嘅距離有啲窄。近門口嘅卡位會比較闊落。服務員的態度麻麻地，茶壺冇水想叫人斟水，職員就露出一面唔耐煩的樣出來。 總結: 食物質素唔錯👍🏻😋，不過服務真係麻麻。分數 食物: 7/10環境: 7/10服務: 5/10推介: 6/10上菜速度: 6/10地址: 黃竹坑香葉道11號THE SOUTHSIDE 1樓138號舖

Southside嘅出現，另南區居民幸福得多，不像以前荒𡷊一樣，起碼食肆多了十間八間可供選擇。今晚偷懶不做飯，走去商場內嘅一間中菜館晚飯。前菜楊莓，紅寶石咁大咁靚。凍冰冰，酸咪咪，水份高，夏日炎炎解喝最佳。野生石橄欖燉豬軟骨湯優惠價，抵飲。非常清甜，鮮甜，滋潤無比。荔枝柴燻香燒鵝皇皮脆肉嫰。皮與肉之間脂肪位不多，肉質軟熟，陣陣燻香。鮑魚汁花膠珍菌滑豆腐材料份量十足。鮑魚汁增添味蕾嘅感覺。豆腐滑溜，花膠有口感，不錯。瑤柱海味雜菜煲瑤桂，西蘭花，菜心，竹笙，腐皮，粉絲…..葛仙米西施杏仁茶杏仁味飄香，難忘的甜點。

雖然食物OK但服務要認真改善服務員荒荒張張，手忙腳亂，功率又唔見得高，有些口黑面黑，有些態度囂張，總之叫你食唔安樂，舉例1.食物遲遲未上，查詢時態度敷衍，話客人多，要等耐啲，根本沒有跟隨行動。后来知道落錯單，又唔認。2. 叫服務員加水，她打開茶壺看看，只說：「仲有咁多仲要加？」好奇怪的服務態度。

星期日開車去The Southside 吃晚飯，5:30pm 已到！商場人流很多，有大電視正播放巴黎奧運比賽片段，氣氛很好！商場有泊車優惠，$500有3小時免費泊車，要行去GF 辦理免費出車手續，但離餐廳有點遠。爸爸想食中餐，在商場行了一個圈，最後決定去華宴食府。6pm 才能入坐。有九張枱是卡位，其餘都係圓枱！很快已坐滿，外面也有人在等位。餐廳做咁開幕優惠！就選了優惠和瑤柱海味炆伊麵。味道不錯，還有餐後甜品，很好味！但服務有待改善，個個侍應都很忙，連落單都難，感覺不好，好似被遺棄。幸好，有兩位資深侍應，百忙中主動上前問下。上菜速度還可以。用餐時間1小時，離開時7pm, 門外已有很多人等。

公司附近開咗新商場，今日同同事 lunch一齊試呢間新酒樓。酒樓面積都幾大，有卡位，有圓枱，仲有房間。黃金鮮味蝦餃皇（特）蝦餃隻隻都好飽滿，晶瑩剔透，上面仲掃咗啲黃金色，即刻高貴晒。餡料係蝦膠加上蝦粒再有筍絲，爽口彈牙。華宴鮑魚燒賣皇（精）燒賣賣相非常吸引，原隻鮑魚放上上面。燒賣免治豬肉再加上豬肉粒再加上蝦肉粒粒，口感豐富，爽口鮑魚煮得好腍，唔錯。水晶帶子菜苗粿（大）呢個菜苗果賣相好靚，好似一個粉紅福袋咁。入邊啲菜苗好香蒜蓉味，好爽嫩。巧手潮州小粉果（小）潮州粉果，餡料豐富，芹菜加上韭菜再加上肉碎同花生，好香。X O醬炒腸粉$58呢個炒腸粉，熱辣辣香噴噴， XO醬惹味加上芽菜蛋絲，個腸粉好香。黑松露流汁叉燒包（大）呢個叉燒包造型好特別，係黑白雲石花紋。裏面餡料充滿黑松露香氣，半肥瘦叉燒粒都唔少。無花果咸水角（中）呢個鹹水角造型好特別，係一粒紫色嘅無花果，好香脆軟糯，入邊嘅餡料都幾鹹香，如果多啲餡料就更佳。

帶媽媽逛黃竹坑The Southside 找到一家中菜館 - 華宴食府菜館裝潢雅典舒適 高級感滿滿內有卡位 圓枱 亦設有廳房中菜館不缺少的魚缸 也有擺放餐牌有很多不同菜式 亦有套餐選擇.. ⋆_ᴛᴏᴛᴀʟ ᴏʀᴅᴇʀ__ ⋆晚市優惠 - C🐟清蒸籃瓜子斑約1斤籃瓜子斑肉質軟綿 蒸得剛剛好 ！魚皮爽口 配上蒸魚蔥花鼓油 一流.🦪金蒜銀絲蒸蟶子皇（4隻）手掌段長的蟶子皇很彈牙 爽口 配蒜蓉粉絲 很不錯 內有少量魷魚乾蝦 添加口感.🥓西班牙黑豚叉燒皇半肥瘦蜜汁黑豚叉燒 鬆化軟腍肉味越吃越濃 配蜜汁差白飯🍚.甜品 - 馬蹄爽粒粒馬蹄碎 爽甜加入蛋花 口感豐富 不會過甜.茶價 $15/位

黃竹坑Southside 自開幕而來，人流源源不斷餐廳喺平日lunch hour大部份都要等位其中呢間華宴🫖係MTR樓層，一入商場就見到酒樓設有VIP房，另有卡位喺繁忙時段，安排入座速度都好快～晏晝主要都係食吓點心、粥粉麵飯等等全部點心即叫即蒸，大概等10至15分鐘左右鮑魚燒賣皇 🥢燒賣大大粒，口感爽口多汁每粒燒賣都放咗一粒小鮑魚，即刻高級咗✨黃金鮮味蝦餃皇🥢飲茶一定要食😜皮薄餡靚，入邊食到有三粒蝦肉，絕對冇偷工減料！黑松露流汁叉燒包🥢 Fusion點心之一整個包都有陣陣嘅黑松露香味叉燒餡份量十足，醬汁甜甜地啱啱好手磨紅米銀羅腸粉🥢賣相一流～紅色嘅腸粉皮包住脆脆同蘿蔔絲口感十足😋陳皮牛肉球🥢食得出牛肉球係手打，口感爽彈又唔會黐牙豉味蒜茸蒸排骨🥢半肥瘦嘅排骨先好食每件都醃得好入味酥炸大良鮮奶卷🥢即炸鮮奶卷好香口，外脆內軟陣陣香濃牛奶味，忍唔住食多條啊😬

以往約長輩飲茶都要出銅鑼灣，但自從Southside正式開咗，多左好多得體嘅餐廳，南區人表示好開心好興奮😎😎😎今次有少少係測試性質試試中菜，諗住之後可以再同長輩嚟😌 近住香港仔避風塘，梗係要食個海鮮餐啦！大大隻蒸扇貝，$68@套餐嘅蒸蟶子王，比想像中大，食住兩樣海鮮已經飽左😂套餐牛肋排，煮得好淰，醬汁香濃👍🏻黑豚叉燒，少少燶邊，好香😋人均2百幾嘅晚飯，加上食靚海鮮同埋環境唔錯都幾值得再嚟😌

周日不用上班，可享受假日樂趣，睡到自然醒。我與太太直接外出飲茶吃點心。首先,我們點了普洱茶,每位$15。普洱茶濃郁醇厚,入口回甘,非常適合與精緻點心一同品嘗。接下來我們點了四款精緻的粵式點心。首先是特點，四寶花膠滑雞扎~$45.8。雞肉鮮嫩多汁,花膠帶有魚膠的Q彈感,濃郁鮮美。再點了一份特點，韭黃鮮蝦腸粉~$45.8,腸粉薄而滑嫩,蝦肉飽滿彈牙。再點了一份中點，千層薑汁糕~$36.8,每個只有一口大小,但糕體鬆軟綿密,薑汁香氣四溢。最後一道是一窩燒鮑魚雞粒飯，$158.0。飯粒粒分明,鮑魚肉質細嫩,雞粒亦鮮嫩多汁,令人垂涎。整體來說,這家餐廳的粵式點心製作精湛,食材新鮮優質,味道層次豐富,令人難忘。價格合理,服務周到,環境雅緻,是個非常值得推薦的午茶好去處。我和太太都對這次體驗感到非常滿意,期待下次再來品嚐更多佳餚。

新商場，新酒樓試飲茶環境都闊落，款式同味道都唔錯，唯獨侍應同經理個個黑口黑面，想叫3佢真係要鼓氣勇氣😅😅我地叫左7樣點心，紫色既咸水角幾特別，仲幾多人叫添，合桃包都唔錯，不過睇佢張底紙似係加熱點心。

香港又有新商場今次係位於黃竹坑嘅The Southside好近我公司咁當然要去逛下啦～而我最關心梗係有咩新食店未試過㗎啦～我揀左華宴食府做晚餐新開張有開幕優惠燉湯有特價，抵👍仲有啲海鮮套餐好適合⼀家人晚餐野生石橄欖燉豬軟骨湯華宴食府所有燉湯都要接近一百蚊⼀盅呢個開幕優惠相當唔錯燉湯足料湯底鮮甜正好開胃👍金獎蝦醬海珊骨呢個好好味海珊骨其實肉多骨少外面炸過入口好淋好滑蝦醬香而不鹹即燒脆皮文昌雞文昌雞皮脆肉嫩估唔到個雞肉可以做到咁嫩滑而且味道夠唔蘸醬油更原汁原味XO醬金蝦啫唐生菜侍應會喺堂前即啫唐生菜有聲有畫香氣撲鼻金蝦米大隻味濃XO醬海鮮鴛鴦米份量足夠除左有蝦仁等海鮮外仲有叉燒肉絲XO醬鮮香惹味鴛鴦米兩款口感好味道！