三禾中日料理 (已結業)

从未试过食放题个上菜效率好差，为左呢间餐厅要写个食评。平日跟亲友共8人食19:30放题，6人到先开餐我同男友20:00到餐厅。平日场未满 见到有零碎空枱。亲友系第一轮每张单都点了每人一份，到我坐低都只上左少量寿司同花之恋刺身。 烧烤食物唔知去左边，同职员讲声睇单，话帮我地睇之后冇左影！好！醒目地写定第二轮既单放俾厨房，以免等太耐。惊第一轮整紧只点少量食物加单，等左10分钟终将大量上菜，但全部系第二轮点既食物😂 第一轮被消失了！！！！！叫左几次职员睇单都冇回音。唔理！嬲嬲地点返第一轮所点既食物 之后上菜先系放题上菜速度，食物水准冇问题既到last order,当然马上点甜品做完结。见到有心太软亲友马上转心心眼，点知同其他枱为左等心太软等左30分钟... 同职员A反映，回我地整紧。一等又多15分钟，职员B话呢场时间完左要我地走，即刻火都黎！我都想走但甜品一个都冇黎过！布甸奶冻系雪柜拎就得吧？B识做叫我地写多次单入厨房整 同期等甜品既客人都不耐烦问职员几时有前后等左50分钟，系食到有质素既心太软，但处理落单同跟进效率真系好差，食物有水准都冇用，不敢想像假日做放题会变成甩几多单，真系绝无下次！