杦 (已結業)

原本打算开开心心同家人庆祝生日，点知就换来一个失望嘅经历，一入去餐厅坐低就发现櫈上面有食物残渣，虽然唔算好似茶餐厅咁污糟，但以一间高级嘅日本餐厅来讲就不能接受，之后侍应放低张安心出行纸仔就行咗去，要问佢先倒杯茶俾你，全晚都几次发现餐具污糟要更换。食物方面，叫左个极上刺身拼盘（$680,10点）同特上寿司拼盘（$498，10点），叫得极上真系冇谂过当中会有三文鱼同鱿鱼呢啲平价野，上菜嘅时候个侍应会介绍俾你知每一款鱼嘅名，但佢一啲都唔熟，er左好耐都讲唔出，同埋亦将两款完全唔一样嘅鱼讲成同一个名，好搞笑地不专业。个天妇罗系我食过最差嘅，未见过下面张纸充满油既天妇罗，同佢反映，佢就话「系呀，啲炸粉厚左啲」，跟住就拨开话题讲第二啲嘢。总括来讲，食物质素同服务态度完全唔值呢个价钱。