影片
更多
2022-10-08
81 浏览
好耐无食韩烧啦，朋友之前介绍过科学园嘅韩烧放题睇落唔错，所以同朋友收工去试下，一入去就安排我哋坐中间卡位，望落环境干净企理，座位都有充足空间坐得舒适望下餐牌有咩食，分晚市套餐同放题，好肚饿直接睇放题，有两款，一款系「精选韩烧放题」，而另一款就系「顶级韩烧放题」，两者分别在于「顶级」有埋任食刺身同美国牛肉，同埋包咗好多款小食，散叫个价钱都唔止任食嘅价钱，好抵食，所以我哋就叫咗顶级韩烧放题😋，嘢食嚟之前，有几碟泡菜，芽菜，菠菜，泡菜好爽口，微甜微辣👍🏻饮品方面，入边有个大雪柜自取，有各款纸包饮品同汽水🥤刺身到喇，放题梗系每样都点嚟食，三文鱼、吞拿鱼、白玉贝、白玉豚、立鱼同醋青鱼，刺身都好新鲜，无雪味😋 炸物方面，我哋点咗炸鸡、炸鱿鱼，炸物用嘅粉唔会好厚，啱啱好，鸡肉嫩滑，恰到好处，忍唔住点多份炸鱿鱼食😈 韩烧嘅重头戏，烧牛肉！有唔同部位嘅牛肉俾我哋选择，有横隔膜肉、牛肩肉、牛板腱、安格斯一口牛、牛仔骨、牛仔柳扒同牛肝，每款都点嚟食，一边烧，啲香味涌晒入鼻，侍应好贴心每一枱都放咗一篮生菜，生菜包住热辣辣嘅牛肉，点啲调味料加片蒜，放入口，唔会好油腻之余，亦食到牛肉嘅鲜味到海鲜类，点咗生蚝、海虾
好耐无食韩烧啦，朋友之前介绍过科学园嘅韩烧放题睇落唔错，所以同朋友收工去试下，一入去就安排我哋坐中间卡位，望落环境干净企理，座位都有充足空间坐得舒适
望下餐牌有咩食，分晚市套餐同放题，好肚饿直接睇放题，有两款，一款系「精选韩烧放题」，而另一款就系「顶级韩烧放题」，两者分别在于「顶级」有埋任食刺身同美国牛肉，同埋包咗好多款小食，散叫个价钱都唔止任食嘅价钱，好抵食，所以我哋就叫咗顶级韩烧放题😋，嘢食嚟之前，有几碟泡菜，芽菜，菠菜，泡菜好爽口，微甜微辣👍🏻饮品方面，入边有个大雪柜自取，有各款纸包饮品同汽水🥤
刺身到喇，放题梗系每样都点嚟食，三文鱼、吞拿鱼、白玉贝、白玉豚、立鱼同醋青鱼，刺身都好新鲜，无雪味😋
炸物方面，我哋点咗炸鸡、炸鱿鱼，炸物用嘅粉唔会好厚，啱啱好，鸡肉嫩滑，恰到好处，忍唔住点多份炸鱿鱼食😈
韩烧嘅重头戏，烧牛肉！有唔同部位嘅牛肉俾我哋选择，有横隔膜肉、牛肩肉、牛板腱、安格斯一口牛、牛仔骨、牛仔柳扒同牛肝，每款都点嚟食，一边烧，啲香味涌晒入鼻，侍应好贴心每一枱都放咗一篮生菜，生菜包住热辣辣嘅牛肉，点啲调味料加片蒜，放入口，唔会好油腻之余，亦食到牛肉嘅鲜味
到海鲜类，点咗生蚝、海虾同扇贝，生蚝连壳原只烧，上菜时海鲜上面已经铺咗蒜蓉同调味，连埋一齐烧，三样都好鲜甜
特色小食，蛋卷，迷你泡菜煎饼，迷你泡菜煎饼好好味，煎饼嘅馅料有惊喜
汤，大酱汤，第一次饮大酱汤，热辣辣，味道似面豉汤
任食食到好饱，我哋埋单每人228，性价比高，下次有机会会再嚟😄
张贴
