牛摩+ (新都城中心二期) (已結業)

虽然天气好热, 但都无阻我同朋友打边炉嘅兴致, 就去咗牛摩试最近推出嘅美国安格斯牛颈脊海鲜90分钟放题! 用餐当日时间尚早, 所以唔洗等候。餐厅多卡位又阔落, 出入都方便!主菜方面, 牛颈脊嘅油脂分布平均, 肉质鲜嫩, 入口仲有浓厚嘅牛香味, 啱晒钟意食牛嘅朋友! 而我就钟意帆立贝, 大只鲜甜。套餐另有牛肩胛、牛板腱、黑豚、鸡、羊、青口、鱿鱼仔嘅选择。净系食肉类海鲜都回本! 自助放题区方面, 前菜、沙律、丸、菜至甜品, 款式多, refill快。尤其钟意花枝丸弹牙高质! 呢个套餐仲有另一卖点, 就系有多款炸物小食可以拣。即使个锅未滚, 都可以食住等啦!