影片
更多
2021-10-14
987 浏览
普庆自助餐出名食物款式多， 之前试过自助午餐、下午茶、晚餐，系未食过自助早餐。风球底下无聊冇嘢做，就book staycation，见klook特价，577元包一间房同二人自助早餐，觉得几抵，所以去试下。自助早餐分三个时段，我哋拣最迟嘅时段：九点三到十点半。 一坐低就有侍应问你饮乜嘢，我哋叫咗热柠水同热咖啡。平时冇饮开咖啡嘅我，觉得佢啲咖啡几好饮， 只系落咗少少奶，冇落糖，饮落唔会有苦涩味，仲可以refill添。 攞咗一轮食物返埋位，我笃紧电话，侍应见我枱上面有碗汤，其实我未饮嘅，佢已经问我碗汤仲要唔要呀。佢好心急，我都未饮就想收。食物款式真系好多，乳酪都有三种，仲有好多麦皮、谷物配搭。 中式点心 ：烧卖、素饺、菜肉包。点心麻麻地，皮好厚，好少馅，淡口无味。 烟三文鱼，质素普通，唔算太咸，唔多油脂 可以自制all day breakfast，不过炒蛋长期都冇， 薯饼炸得太脆，有啲硬。 配菜款式都算多， 蕃茄、杂菌、焗豆、 薯仔，营养算几均衡，唔会只系得啲肉。 沙律菜算新鲜 面包款式繁多，仲有鸡蛋仔添。不过鸡蛋仔摆得耐淋晒，要食新鲜出炉，先会有外脆内软嘅口感。 呢个所谓嘅即整奄列，我自
自助早餐分三个时段，我哋拣最迟嘅时段：九点三到十点半。
一坐低就有侍应问你饮乜嘢，我哋叫咗热柠水同热咖啡。平时冇饮开咖啡嘅我，觉得佢啲咖啡几好饮， 只系落咗少少奶，冇落糖，饮落唔会有苦涩味，仲可以refill添。
攞咗一轮食物返埋位，我笃紧电话，侍应见我枱上面有碗汤，其实我未饮嘅，佢已经问我碗汤仲要唔要呀。佢好心急，我都未饮就想收。
食物款式真系好多，乳酪都有三种，仲有好多麦皮、谷物配搭。
中式点心 ：烧卖、素饺、菜肉包。点心麻麻地，皮好厚，好少馅，淡口无味。
烟三文鱼，质素普通，唔算太咸，唔多油脂
可以自制all day breakfast，不过炒蛋长期都冇， 薯饼炸得太脆，有啲硬。 配菜款式都算多， 蕃茄、杂菌、焗豆、 薯仔，营养算几均衡，唔会只系得啲肉。
沙律菜算新鲜
面包款式繁多，仲有鸡蛋仔添。不过鸡蛋仔摆得耐淋晒，要食新鲜出炉，先会有外脆内软嘅口感。
呢个所谓嘅即整奄列，我自己煮得仲好过佢。其实佢只可以用煎蛋嚟形容，薄身，煎到只蛋熟晒，都唔算系奄列，冇奄列嘅外表，好失败。
整体嚟讲，只可以形容佢系款式比较多嘅自助餐，中式、西式、沙律、水果、饮品，应有尽有，不过质素真系好一般。 如果只系想食饱填满个肚，一定觉得好抵食。如果想食啲有质素嘅食物，又真系谂唔到有边款。
张贴
