影片
更多
2023-08-21
555 浏览
侍应婶婶，你唔洗惊啦，我地唔会再黎食。两大两小去晚餐，两小都系自己用餐。3岁𠮶位食得比较干净，岁半𠮶位戴左围兜以为ok, 到食完拖住爸爸出去洗手时，我听到一位较年长既女侍应讲「喂，周围都系面呀」，我先意识到岁半𠮶位可能痴左d面喺衫，一路行一路跌d面落地。当下我有d唔好意思，我同3岁小朋友坐喺位，跟住𠮶一两分钟侍应婶婶不断徘徊，不断讲「周围都系面」，但佢又冇去处理，讲到我真系觉得我要攞张纸行过去执返，最后其他员工去执左。走紧𠮶阵婶婶叹左好大口气弯腰执野，原来仲有一条面碎喺我地枱对出。确实系需要咁大声叹气我先留意到佢服务紧我帮我执返条面碎。回想起较早时，我地将热汤食物放满大人𠮶边张枱，所以我将佢地个胶水壶放喺小朋友𠮶边。侍应婶婶3秒冲过黎话「哗，好惊！」抱走个胶壶。其实装满左水冇咁易推得郁，不过当刻冇谂太多。到「周围都系面」之后我先明白到侍应婶婶唔钟意我小朋友喺𠮶度食野。咁我地都唔会再去啦，大家都开心！
两大两小去晚餐，两小都系自己用餐。3岁𠮶位食得比较干净，岁半𠮶位戴左围兜以为ok, 到食完拖住爸爸出去洗手时，我听到一位较年长既女侍应讲「喂，周围都系面呀」，我先意识到岁半𠮶位可能痴左d面喺衫，一路行一路跌d面落地。
当下我有d唔好意思，我同3岁小朋友坐喺位，跟住𠮶一两分钟侍应婶婶不断徘徊，不断讲「周围都系面」，但佢又冇去处理，讲到我真系觉得我要攞张纸行过去执返，最后其他员工去执左。
走紧𠮶阵婶婶叹左好大口气弯腰执野，原来仲有一条面碎喺我地枱对出。确实系需要咁大声叹气我先留意到佢服务紧我帮我执返条面碎。
回想起较早时，我地将热汤食物放满大人𠮶边张枱，所以我将佢地个胶水壶放喺小朋友𠮶边。侍应婶婶3秒冲过黎话「哗，好惊！」抱走个胶壶。其实装满左水冇咁易推得郁，不过当刻冇谂太多。到「周围都系面」之后我先明白到侍应婶婶唔钟意我小朋友喺𠮶度食野。咁我地都唔会再去啦，大家都开心！
张贴