甘味喫茶店

营业中

休息中

星期六2pm點幾去長沙灣廣場揾食見呢間舖頭係食日本嘢，裝修尚算寬敞，又有大量位就入去試下，全程用手機點餐牛肉壽喜燒+溫泉蛋+飯定食呢個餐都幾豐富，牛肉質素好好，油脂分布均勻 帶有雪花紋理， 讚岐烏冬夠彈牙，壽喜燒湯底偏淡味，蔬菜尚算新鮮份量亦好足，但火爐火勢太猛烈，滾燙時不斷彈出湯汁， 食得好狼狽，成枱都係汁😅，勁驚彈到塊面，叫侍應轉爐，佢地好似唔記得左咁，成班侍應都西西面，算啦，小心啲繼續食 朋友另外叫左個👉雜錦鍋燒烏冬，賣相ok，正正常常一個烏冬餐，但特飲加每杯$38，就真係有d唔值。完全無服務，仲要加一收費，每位平均$150，試過一次就夠啦。兩杯特飲，每杯加$38