醍醐茶寮 (已結業)

想食个快晚饭，想支持小店，又想食芋圆，openrice见呢间都ok, 街坊野，平平地，入去试试。店内整洁，行到入去上几级，仲有阁楼仔可以坐。餐牌都几多野选择，就好似台试车仔面咁。唔知套餐有几大，包野饮，我地决定试下咩料先再谂加唔加芋圆甜品，免伏。我食炸鸡+拉面，炸鸡唔干份量都算多，个拉面充满枧水味，精味汤底。朋友食秘汁猪排+干捞刀削面，猪排ok唔干，个汁甜甜地，干捞个干葱汁都几好味，但完全自己系屋企可以整到果只味，劲似中学小食部feel. 刀削面系用度小月的来货，因为坐系阁楼有几箱货放左系走廊。柑桔蜂蜜系化学味，爱玉冬瓜茶要 +$3, 清清地既黑糖味，爱玉应该唔系现制，似来货蒟蒻。既然系咁，质素平平，够饱，唔洗再叫甜品。呢个价钱，合符期望，街坊野，只系路过食个快饭，完。