面譜-京川料理 (已結業)

早前打算同朋友聚一聚，就选择左公司附近比较有特色既京川料理餐厅。地方比较偏离尖沙咀中心，但出尖东站都好方便。门口比较细，但里面气氛好好。非常有特色既中国面谱装饰、环境比较有情调，最适合同朋友食饭吹水讲心事！服务态度算系唔错、餐具都非常有特色。前菜：凉伴豆皮/花生非常好食，凉伴豆皮少少酸、微辣，非常开胃、花生甜辣香口！头盘：面谱灯影牛肉 牛肉薄切透光，炸得香脆、上面加有甜甜辣辣既酱汁，非常香口开胃。肉末外婆菜配叉子烧饼叉子烧饼比起肉末比例比较少，不过肉末炒得香，唔会过咸，虽然写系一个辣，但只系微辣，非常香口。香酥鸡炸得比较干身、比较柴，味道都唔系好够。比较逊色既一道菜酸甜豆花伴米线近期推荐既云南菜，个人非常钟意食豆腐同米线。就算见到佢系偏酸我都打算尝试。虽然闻起黎醋味比较强烈，不过食上黎又唔会好酸。酸酸甜甜、米线又同平时食果D质地好唔同。虽然写系一个辣，但呢个会比较辣！总体服务态度、食物水准、同环境都非常好！