DW Lounge (已結業)

平时同朋友落酒吧，多数都只顾饮酒食花生，好少会专登order热食，不过今次黎DW发现有小食之余仲有唔少主食，而且味道比想像中好太多（之前试过太多酒吧热食都系中伏），下次再用朋友黎应该会晚饭、饮酒直落，唔使再转场喇！因为第二日要返工，所以唔想饮酒，点左两杯Mocktail。既然系酒吧，质素自然唔会太差，入口同平时的mojito差不多。希望下次有机会再黎饮酒，应该都唔错。火腿拼盘，咸香+浓郁，加埋香脆的面包粒粒，即时开胃。猪颈肉系超班之作，好味过出面的餐厅。肉本身腌左，所以带有少少味道，之后拎去烧到外脆内爽，入口弹牙唔过硬，仲有少少肉味流出黎，超正！好少见的炸蘑菇，外层炸粉好薄，入口蘑菇劲多汁，又软又香菌味，加上少少辣粉洒面，提升味道层次。海鲜意粉，茄汁甜中带酸，食落清新不油腻，而且海鲜份量都好多，用料不手软。班尼迪蛋，身为蛋怪的我表示大赞。流心蛋很香，完全不会有腥味，看著蛋汁流出来非常诱人，不论视觉味觉都很满足。