駟馬拖車潮州飯店 (MOSTown新港城中心(4期)) (已結業)

我平时喜欢食潮州菜，多数去九龙城食。见呢间潮洲菜在马鞍山开咗一排，装修几好，谂住都试吓，第一次试食，叫咗三样嘢，点知就中伏。第一样系椒盐九肚鱼，只系食到炸粉好厚，根本唔知食紧乜。第二样系豆酱焗鸡，个传菜放低嘅时候猛话个窝好热好热，点知我哋食嘅时候发觉根本啲鸡只系暖暖地，分明系冻嘢放入个热窝一阵就上枱，毫无诚意。第三样系方鱼肉碎粥，淡而无味。总结今次嘅经验，以后都唔会再嚟食。奉劝各位有兴趣食潮州菜嘅朋友，九龙城任何一间都好食过佢。