京滬村 (已結業)

今日庆祝家人生日嚟左京沪村食饭。我哋一坐低就即刻叫咗个片皮鸭三食，但由于制作时间要40分钟。咁先叫咗其他点心顶住肚饿先， 我哋叫咗小笼包同三鲜锅贴，水准都可以。至于个拼盘就差少少，海蜇卖相嘅颜色好唔吸引。 牛切得比较大旧，难咬。 鸡丝粉皮就不过不失。椒盐骨嘅份量非常之多，喜出望外。嫩鸡煨面汤底好淡。反而上海粗炒嘅面烟烟韧韧，几好食。主角只鸭终于出场，大大只涨卜卜。由于新鲜烤出嚟，食片皮鸭相当好食。另外侍应姐姐片咗几片鸭胸皮出嚟，话系最多油份最香囗，要蘸有糖食，我就唔敢食啦。另外两食就系用鸭壳滚汤同埋炒鸭丝。另外讲下环境，大门口要行楼梯上一层，对老人家不是太方便，走𠮶阵侍应又冇话畀我哋听边度有䢂搭，咁我当无。另外地方有点逼，而且冷气又会自动熄机，希望可以改善一下。