影片
更多
2023-05-24
693 浏览
食评：1) 面包一埋位staff就拎咗面包俾我地（唔记得影相，可参考open rice入面嘅相~），面包唔系热嘅，而且偏硬身同干，擦咗牛油会相当好食少少，入口滑D。1) 法式焗芝士洋葱汤 $98有惊喜！汤面有一层焗咗嘅芝士，用匙羹”笔”起会拉丝，配搭煮到淋咗嘅洋葱加埋浸满汤汁嘅面包粒，口感丰富。汤底亦非常浓郁，整体偏重口味。今次碗汤我地系两个人share，如果一个人饮晒相信饮到一半会觉咸。2) 烤焗薯皮 $78叫咗款前菜薯皮，整体都唔错，薯仔切半，保留部分薯仔连皮焗，焗完嘅薯皮表面好香，内馅有芝士同烟肉碎，点酸忌廉/番茄酱食，比起普通薯条好食^^。个人觉得佢个番茄酱好好食！3) 龙虾意式扁意粉 $188扁意粉硬度适中并裹满龙虾汁，非常入味，配搭磨茹提升口感。龙虾肉唔系原只切半上果种，系已剥好壳嘅细龙虾肉，份量并唔多。4) 美国肉眼扒 $418原本想叫Prime Rib，但staff讲卖晒，所以最后叫咗肉眼扒。块牛扒完全唔值$418嘅价，先唔讲摆盘似普通茶餐厅质素（其实以酒店餐厅黎讲佢D食物摆盘都麻麻），块扒都似一般茶餐厅质素，似平时出面食百几蚊嘅牛扒。
1) 面包
一埋位staff就拎咗面包俾我地（唔记得影相，可参考open rice入面嘅相~），面包唔系热嘅，而且偏硬身同干，擦咗牛油会相当好食少少，入口滑D。
1) 法式焗芝士洋葱汤 $98
有惊喜！汤面有一层焗咗嘅芝士，用匙羹”笔”起会拉丝，配搭煮到淋咗嘅洋葱加埋浸满汤汁嘅面包粒，口感丰富。汤底亦非常浓郁，整体偏重口味。今次碗汤我地系两个人share，如果一个人饮晒相信饮到一半会觉咸。
2) 烤焗薯皮 $78
叫咗款前菜薯皮，整体都唔错，薯仔切半，保留部分薯仔连皮焗，焗完嘅薯皮表面好香，内馅有芝士同烟肉碎，点酸忌廉/番茄酱食，比起普通薯条好食^^。个人觉得佢个番茄酱好好食！
3) 龙虾意式扁意粉 $188
扁意粉硬度适中并裹满龙虾汁，非常入味，配搭磨茹提升口感。龙虾肉唔系原只切半上果种，系已剥好壳嘅细龙虾肉，份量并唔多。
4) 美国肉眼扒 $418
原本想叫Prime Rib，但staff讲卖晒，所以最后叫咗肉眼扒。块牛扒完全唔值$418嘅价，先唔讲摆盘似普通茶餐厅质素（其实以酒店餐厅黎讲佢D食物摆盘都麻麻），块扒都似一般茶餐厅质素，似平时出面食百几蚊嘅牛扒。牛扒偏薄身，都有牛味但唔算浓，叫咗5成熟，出黎有接近7成熟。块牛扒筋位都多，所以食落会”痴牙”XD。至于D配菜就无咩特别，正常蔬菜味XD。薯条就系淋身粗身果款，食落唔会咁热气。
值得一提系，所有食物唔知点解都系唔热唔冻嘅状态，明明等上菜时间都耐，所以会expet佢系落单后先煮，唔系一早煮定，但上到枱又唔系热辣辣…牛扒系唔热唔冻嘅状态下食，都几影响口感。
5) Mocktail (Cucumber Iced Tea) $68
非常酸！成杯野嘅味道就系酸味加青瓜味，完全唔推荐。
服务质素：
间餐厅服务质素完全可以讲系非常差…首先我地book咗位8:00pm，去到reception位有staff见我地系到等，望完就算，结果我地企咗阵觉唔对路就自己走入去自己揾staff讲book咗位，然后先有人带我地埋位。之后想点餐时亦系等咗好耐先有人帮我地落单。当日餐厅并未坐满，目测有6-7位staff，人手感觉充足，未知系咪有D staff唔会帮手带位/落单，但等咁耐又无人理…感觉真系唔太良好。同埋酒店餐厅正常会expect服务质素好D？起码以前去过嘅酒店餐厅服务质素都唔错。
张贴
