Nonsense

同朋友庆祝生日，揾咗呢间或生日碟好靓嘅餐厅，画蛋糕或生日碟唔需要加钱，只需要每人最低消费$250（一个图案）$300（两个图案）真系好抵👍蜜瓜巴马火腿沙律($88)正常发挥👍 封门柳配大啡菇（$168）份量偏少，好细碟，嚟到𠮶吓有啲失望，但系好好味嘅🥹如果能够多少少配菜会更好鹅肝牛肝菌忌廉炖饭（$188）好出色，好香好好味🤤黄金单骨鸡翼（$68）呢啲邪恶嘢冇可能唔好食啦👍仲叫咗两杯饮品～正常嘢就唔特别讲啦甜品拣咗黑芝麻巴斯克蛋糕配椰子雪糕，黑芝麻味好浓郁，蛋糕嘅质地都好好味，椰子雪糕都好出色👍呢个系十分满意嘅🩷整体嚟讲食物都系水准以上，不过定价有少少高，两个人都要$750埋单，但其他嘢都有改善嘅空间。餐厅张枱都几细下，不过明白香港租金昂贵，呢样嘢就真系冇乜办法嘅，可以接受。不过店员应该安排吓啲食物嘅上菜次序，呢个价位嘅西餐嚟讲，其实可以安排得好少少，我哋叫完啲嘢食之后佢劲快上齐晒啲嘢，但我哋连个沙律都未食晒，就上埋主菜，都唔知食得边样🥲利申我哋六点就去食饭，当时系员工多过客，餐厅一啲都唔繁忙，其实要hold一hold食物嘅出餐，根本唔难做到，只系在于有冇心去做。特别名字餐厅本身嘅枱都唔