Boholic

营业中

休息中

以前系荔枝角返工经常都会星期五黎食个lunch, 一直都觉得佢地啲野食高水准,尤其系啲Risotto隔左年几约返旧同事一齐黎食饭, 餐厅装修过但系食物水准仍然高, 但系啲嘢饮难饮左好多, 以前就算跟lunch set有个水果茶好好饮; 重点系啲waiter态度比起以前既staff真系差左好多, 尤其系门口负责接客同埋单𠮶位男仔.最离谱系我其中一个同事等左成个钟份lunch都冇出现, 啲waiter见到其他人已经食紧野有一个人乜都冇, 都唔识主动黎跟单, 连上住个前菜同汤先都唔识做, 最后系搞到我个朋友因为赶时间食唔到lunch所以餐厅offer打包俾佢走;埋单𠮶阵唔系我出声话餐厅上少份lunch需要作出啲补偿都唔识俾返个折头我地, 最嬲系因为赶时间冇特登再check单, 之后睇单先发现餐厅照收左外卖盒费! (唔系餐厅出错我朋友根本唔需要打包返公司食) 装修左之后其实唔觉得特别打卡-able,如果食呢间有心理准备真系啲服务唔会好得去边, 要形容的话我直程觉得啲waiter系做到好厌世咁款, 又咩都唔识跟进, 会影响你食嘢心情。