富華冰室 (碧街)

营业中

休息中

夜晚 9 点零钟去到，上咗 1 楼见到有大把位谂住拣个卡位坐，点知啲阿姐死都话啲卡位唔坐得系都要你坐啲近楼梯嘅位，连啲入少少嘅位都话唔坐得好似啲位有宝咁。其实呢如果啲位系攞嚟摆嘅而唔系俾啲客坐嘅，咁就不如叫你老细租少啲地方悭番啲租啦扮乜嘢地方宽敞有楼上雅座啫，地方细啲咁啲客咪唔驶拣位坐你哋又抹少啲地方可以早啲收工啰。好喇费事同你嘈谂住叫个鲜茄牛肉饭食完就走，点知个饭嚟到就更加一肚气，个茄汁就酸到无伦而个饭就有啲系硬嘅好似未煮熟咁。其实呢一个鲜茄牛肉饭都系茶记嘅基本嘢，我都唔明点解可以整到咁差而呢个饭都系我近年嚟食过最难食嘅碟头饭之一。如果连一样咁基本嘅嘢都整得咁差，其他嘢食嘅质素都可想而知所以真系无下次啰。讲真就算俾你租到个大铺装修又美轮美奂，如果连我上述讲𠮶两样嘢都做唔好，唔好话我黑心但系你哋迟早都系步上一手嘅下场。