新記冰室

营业中

休息中

荃湾有好多好嘢食，果然名不虚传，今晚嚟咗路德围，咁啱俾我见到有间冰室，个人都几钟意食茶餐厅同冰室嘅食物，一来有怀旧感，二来啲嘢快靓正！食物价钱同出边嘅冰室差唔多，但食物种类都几多款。叫咗杯奶茶红豆冰，佢嘅份量真系好大杯，跟餐都系加多$10 ，奶茶浓郁，红豆好大粒，每一啖都充斥着红豆蓉。叫咗一份杂扒饭配粟米汁，杂扒饭入边有猪扒、鸡扒、肠仔、火腿同埋两只太阳蛋，鸡扒同猪扒好软熟，煎得好香口，另外太阳蛋煎得好靓，蛋黄流入饭入边食，好友罪恶感，另外个粟米汁真系冇得弹，佢个粟米汁又偏向少少芝士味，食入口又系好浓郁，配饭食一流。另外叫咗个芝士猪颈肉捞出前一丁，呢个系烧猪颈肉，入口好软身，同埋味道好浓郁，都系一样配左两只太阳蛋，出前一丁捞埋粟米汁同埋太阳蛋一齐食，超级好味。