譽居

营业中

休息中

平时早上、下午茶嚟多，今日收到已晚，仔女都食完饭，呢度唔洗排，就同长老、老婆一齐试下个晚市。呢度地方算宽敞，枱同枱之间有一定距离，有圆枱同卡位分，桌椅都系深啡色木，装修格局有中国古典风。茄子肉碎炆伊面茄子够淋，肉粒大粒，加埋红椒丝、青椒丝、芽菜炒，味道惹味，似鱼香茄子，不过略咸。椒丝腐乳炒通菜通菜新鲜无渣，炒得有镬气，味道少少辣，够腐乳味，正！烧鹅粒梅菜炒饭烧鹅粒不少，梅菜唔算多，饭质粒粒分明，加埋葱粒炒，个饭几香，唔错！姜葱鱼腩煲呢个煲正，鱼腩够大肉质实，加埋姜葱煮，好入味，不过份量略少。