影片
更多
2022-12-12
270 浏览
初时因为碌IG见到介绍，环境又唔错咁，就胆粗粗book位去试下，都几大期望。去到我哋上咗楼上嘅tatami座位，上到去侍应表示要我哋除鞋，但真系第一次去呢啲格局嘅地方，所以都唔知埞。但侍应冇带位，冇乜指示，咁我哋就拣好位坐低除鞋，将鞋放喺座位附近。后来见到，侍应都会帮其他客人放返啲鞋去近楼梯附近嘅鞋柜，唯独是我哋两对鞋冇咁做到。唔知系咪觉得我哋太细个定系我哋著得太「寒酸」，觉得我哋会畀唔起钱食嘢，所以服务冇咁周到😀我哋嗌咗《雪》套餐，同埋烧物拼盘《竹》。嘢食都陆续上枱，我哋每食一道菜都有赞冇弹嘅，尤其是只生蚝，真系好新鲜，好好食。但到串烧食剩1, 2串嘅时候，侍应都系未上sake。𠮶个唯一嘅侍应就一直不断serve其他𠮶3, 4枱客。其中有枱客迟我哋好多先到，但生啤同sake都极快上枱。𠮶枱西客要求多多，极之麻烦，个侍应都好贴心咁serve佢哋，不过一直都冇乜点理会过我哋2个。终于叫到侍应帮我哋嘅时候，佢竟然话唔记得咗上🤩佢喺我隔离执枱，都见唔到我哋嘅sake系未上枱。以我做过侍应嘅经验嚟讲，系冇可能唔记得边枱客未上啲咩，喺隔离枱亦都冇可能望唔到我哋未上sake。所以我哋越食越嬲……啲
去到我哋上咗楼上嘅tatami座位，上到去侍应表示要我哋除鞋，但真系第一次去呢啲格局嘅地方，所以都唔知埞。但侍应冇带位，冇乜指示，咁我哋就拣好位坐低除鞋，将鞋放喺座位附近。
后来见到，侍应都会帮其他客人放返啲鞋去近楼梯附近嘅鞋柜，唯独是我哋两对鞋冇咁做到。唔知系咪觉得我哋太细个定系我哋著得太「寒酸」，觉得我哋会畀唔起钱食嘢，所以服务冇咁周到😀
我哋嗌咗《雪》套餐，同埋烧物拼盘《竹》。
嘢食都陆续上枱，我哋每食一道菜都有赞冇弹嘅，尤其是只生蚝，真系好新鲜，好好食。
但到串烧食剩1, 2串嘅时候，侍应都系未上sake。𠮶个唯一嘅侍应就一直不断serve其他𠮶3, 4枱客。其中有枱客迟我哋好多先到，但生啤同sake都极快上枱。𠮶枱西客要求多多，极之麻烦，个侍应都好贴心咁serve佢哋，不过一直都冇乜点理会过我哋2个。
终于叫到侍应帮我哋嘅时候，佢竟然话唔记得咗上🤩
佢喺我隔离执枱，都见唔到我哋嘅sake系未上枱。以我做过侍应嘅经验嚟讲，系冇可能唔记得边枱客未上啲咩，喺隔离枱亦都冇可能望唔到我哋未上sake。所以我哋越食越嬲……
啲串烧由热辣辣摆到冻晒都未上sake，上sake都唔畀sake杯我哋，最后我哋系拎茶杯嚟饮sake。
最后最后佢亦都冇主动上甜品，我哋都费事再等，就自己落去楼下埋单。埋单𠮶阵，态度好差咁问我哋：「你哋唔食甜品呀？」，我男朋友即刻答：「唔食喇！」，之后我哋就离开咗。
成餐嘅感觉系，嘢食几好食都好，侍应唔系对每位客人一视同仁嘅话，成餐饭都会被破坏晒👎🏻
我哋嗌得唔多嘢食唔代表我哋悭住食，只系唔想眼阔肚窄。成世人最憎人哋睇唔起自己，所以餐饭食得好唔开心。
《雪》套餐
$388
22 浏览
0 赞好
0 留言
张贴
