米走雞Live

营业中

休息中

对上一次黎系食西餐，原来佢同Mini Friday同一个舖位但分开左一半，呢度主打食鸡煲后边劳，不过唔钟意食鸡煲嘅朋友都可以就咁拣汤底打边劳，我拣左佢地推介自创芝士鸡煲，好多芝士好够味，鸡件都滑漏，不过食得耐都会觉得腻，后来加汤都可以拣清汤同芝士汤，如果拣芝士汤就真系太浓了，所以选择了清汤，味道都还可以。后来，点了五拼丸，五拼饺，金菇，牛腩，午餐肉。手打丸类都无咩特别，不是特别爽口，饺同云吞太咸了，不过都中等大粒，金菇就出奇地同个芝士汤夹，好味，牛腩用黎打边劳谂住胆粗粗试下，点知原来系熟牛落去烚，味道好唔夹，好奇怪，食唔哂唯有打包回家煮面。最后，个午餐肉都唔系特别爽口有味，都系啲普通野，不过另一半钟意食就比佢过下口引⋯ 第一次打边劳无食肥牛，因为价钱太贵了，觉得唔值，自己回家买靓牛都无咁贵啊。本身想叫响铃，以前系盒装唔想食，点知见隔离枱个啲系自家制，如果有食客想去呢间都可以一试。另外环境方面，有个人系台上拎住支结他自弹自唱，我自己唱歌唔叻，但系台上个位人兄真系唔多掂，佢唱到走哂音，又鬼食泥咁⋯ 最有问题系个拣歌，佢居然系度唱比卡超主题曲，好无奈