Vici Restaurant & Bar (已結業)

荃湾扫街多野食唔系新闻，经过门口见到呢间环境唔错，即管入去试下。我哋嗌左6串串烧，3串蔬菜3串肉，个冬菇令我有惊喜，好入味又够冧。日式串烧当然要试烧大葱，烧得啱啱好，咬落多汁，证明师傅功架唔错。安格斯牛小排烧出黎十分嫩口又juicy，最紧要一啲都唔靭！鸡软骨好大粒，有肉食，好脆。仲有萨摩赤鸡翼，鸡皮烧得好脆好香，一啲雪味都冇。鲭鱼喺鱼皮上面𠝹左啲坑纹黎烧，令鱼肉香嫩滑得黎又可以锁住肉汁，烧完唔会干。除咗无咩鱼骨外，亦都唔有鱼腥味，作为鲭鱼爱好者嘅我，呢间餐厅嘅鲭鱼绝对系可以encore😋 至于个猪肉眼呢，肉多滑，唔会𡁻到个口好攰，而且配咗个酸酸甜甜嘅酱好开胃，同个肉好夹。每人叫咗杯cocktail，其中Happy Ending𠮶杯嘅百香果味同青柠好出，劲refreshing，真系名副其实happy ending。