影片
更多
2023-06-10
282 浏览
**长文慎入**自从铜锣湾旗舰店开业以来已经食过好几次，每次都觉得好满足，除咗食物质素，员工服务态度都好好。所以今次见到感谢祭就决定请屋企人嚟食返餐好嘅，点知咁就中晒伏我哋6月4号星期日用餐食铁板烧，5月尾已经bk定位。落bkg时bk左一行8人，3日内要俾订金，亦知道成个bkg咗后最多可以减2位，即到时最少6人用餐。经WhatsApp Bk完到俾订期间接到1位屋企人通知病咗去唔到，所以当5月29日星期一亲身去俾订时已经同reception讲咗改做7位，获告知ok先俾信用卡落订。到咗3号，另一位屋企人全身敏感出疹要睇医生，亦唔食得海鲜🦐，本身想唔去，但因为第二日就系用餐日，觉得last min先再减人餐厅未必可以接到新bkg，所以照去，谂住到时叫另一set主打寿司🍣嘅感谢祭set。到入座，有位叫Jaeson嘅同事主力serve我哋。一坐低就同我哋讲话感谢祭个$398 set同佢哋呢间cwb店格调唔符合，sell我哋upgrade食材。不过我哋上网见到评价唔错，都想试吓个set先，就冇upgrade，同呢位Jaeson讲照叫返$398 set就得，佢当下已经俾我哋感觉到面色一变，唔太高兴我
自从铜锣湾旗舰店开业以来已经食过好几次，每次都觉得好满足，除咗食物质素，员工服务态度都好好。所以今次见到感谢祭就决定请屋企人嚟食返餐好嘅，点知咁就中晒伏
我哋6月4号星期日用餐食铁板烧，5月尾已经bk定位。落bkg时bk左一行8人，3日内要俾订金，亦知道成个bkg咗后最多可以减2位，即到时最少6人用餐。
经WhatsApp Bk完到俾订期间接到1位屋企人通知病咗去唔到，所以当5月29日星期一亲身去俾订时已经同reception讲咗改做7位，获告知ok先俾信用卡落订。
到咗3号，另一位屋企人全身敏感出疹要睇医生，亦唔食得海鲜🦐，本身想唔去，但因为第二日就系用餐日，觉得last min先再减人餐厅未必可以接到新bkg，所以照去，谂住到时叫另一set主打寿司🍣嘅感谢祭set。
到入座，有位叫Jaeson嘅同事主力serve我哋。一坐低就同我哋讲话感谢祭个$398 set同佢哋呢间cwb店格调唔符合，sell我哋upgrade食材。不过我哋上网见到评价唔错，都想试吓个set先，就冇upgrade，同呢位Jaeson讲照叫返$398 set就得，佢当下已经俾我哋感觉到面色一变，唔太高兴我哋唔upgrade嘅样子。
跟住就同佢表示有一位唔食得铁板烧，问佢可唔可以叫寿司𠮶个set，佢就冇乜礼貌咁问点解唔食得。𠮶吓有啲噩然点解会咁样问个客，不过都直接同佢讲唔舒服唔食得海鲜🦐。佢讲话如果要食寿司set就要过寿司枱，叫我哋一系散叫。都明白，所以我哋拣咗散叫，叫咗一客刺身同一客炒饭。
之后就正式开餐，但系食到1个钟过咗个散叫嘅炒饭都未上，而𠮶位唔食得set嘅屋企人就望住我哋食个set饿住𠮶肚等个饭嚟。当时见到负责serve我哋𠮶位厨师煮紧个set d嘢食，而同枱另一位厨师就炒紧饭，心谂应该就系炒紧散叫𠮶个。
点知过咗一阵就见到炒饭𠮶位厨师拎咗6个碗出嚟做准备，咁先知道原来个饭系我哋个set嘅，而𠮶时我哋其实仲食紧前几道菜，未到食饭住。
咁点解明知道有客人唔系食set系散叫嘅都唔整咗散叫个饭俾𠮶位客人先呢？!呢吓真系不解。于是就问𠮶位Jaeson我哋散叫个饭去咗边，整咗未。结果佢嘅回覆令大家呆晒，佢话个饭喺煮紧set𠮶位厨师手中。。即系原来佢系安排煮好晒set每一道菜等所有人食晒后先开始整个散叫嘅饭!!!意思即系要我𠮶位屋企人喺我哋食晒后再喺我哋望住佢嘅情况下一个人食!!! 呢个安排真系唔能够接受!! 亦觉得好荒谬! 如果你本身个做法系咁，点解你唔一早喺我哋落单时讲明原来要等咁耐先有得食，俾个客人选择叫定唔叫？😤
于是即时同呢位Jaeson讲如果未整嘅可唔可以转其他嘢，佢亦系唔好声气地问”想转咩吖”。我哋问佢拎返个menu睇，然后佢亦礼貌欠奉地话之前叫个炒饭加埋啱啱好先够min charge，叫我哋要叫返最少$280先够数。
最后我哋决定叫烧鱼鲛同鸡翼。点知佢同我哋讲呢啲嘢要整30分钟，咁样我哋得返10分钟食，之后8点就要”离场”! 听到呢度我哋真系觉得太唔合理同唔舒服，你喺落单时唔出声个炒饭要个几钟先上到菜，到我哋问完发现真相再要求改其他嘢你就即刻咁讲，觉得好似系个客唔啱在先地不礼貌对待个客？! 😡
于是我哋决定照叫，你话得10分钟食就10分钟，总之我哋同自己讲8点交到枱就得。呢个交枱时间亦都系一早bk枱时已被告知，大家都同意先会confirm booking，冇问题。
本身serve我哋个位女厨师真系好好，见到个气氛僵晒即刻出声帮手缓和，问我哋咁大班屋企人一齐食饭系咪有咩特别嘢要庆祝。但我哋都系如实相告 “冇咩特别，只系想嚟食餐饭，冇谂过系你哋餐厅时间上嘅安排令到我哋有屋企人等咗咁耐都冇得食仲要受气”。个女厨师都好唔好意思咁但又唔知可以点样再兜到件事。。我问个女厨师，之前食过咁多次都未见过呢位Jaeson嘅，一问之下先知原来系新嚟。。。
期间我哋真系觉得呢位Jaeson嘅态度令我哋好唔舒服，已经想即时同餐厅反映佢嘅服务态度，不过睇落佢应该系间餐厅嘅经理，听佢对讲机叫咪同同事讲嘢嘅态度都系好一般，所以想影低相睇吓佢叫咩名先(本身冇为意佢叫咩名)。当下佢另一位同事见到就同佢讲有人影紧佢。
隔咗一阵佢行过嚟酙水，我哋趁机想望吓名牌睇吓佢叫咩名。然后佢用一个”挑机”嘅口吻同我哋讲 “我叫Jaeson，我之你想知道我个名㗎喇”。既然佢咁讲，我哋唯有顺佢意上嚟share返当日嘅经历😊
最后d鱼鲛鸡翼喺7点50分左右上菜，差唔多时间Jaeson就嚟张单埋嚟，我哋睇咗张单，发现条数同佢讲嘅有出入。佢话个散叫炒饭$280加埋先啱啱好够min charge于是乎我哋都叫返啱啱好$280。但对单时发现我哋散叫嘅嘢加埋vs min charge多左百几2百蚊。再问返呢位Jaeson，佢一开始坚持话条数啱。但我哋再加一次俾佢睇佢见唔对路就即刻兜，话佢系同我哋讲因为我哋唔要个炒饭系$280，而我哋再改其他嘢嘅话就要叫返相同价钱以上。
我哋同佢表示佢一开始唔系咁讲，系指仲有$280先到min charge所以要叫返呢个数以上，如果佢一早系讲 “炒饭$280，再改都要$280以上”嘅话我哋接受，而唔代表可以前言不对后语，误导客人。😡
到时呢刻佢知道自己衰咗就话”咁我帮你哋签咗佢”，意思即系我哋叫多咗嘅钱waive咗佢。我哋即时话 “唔需要，我哋叫咗食咗嘅会认账，唔需要你同我哋签，只系想话返你知，你咁样讲系误导咗我哋”。
而且后来发现，个炒饭原来只系$100，好明显佢自己记错价钱之后想屈落客人度唔认。。😡
跟住佢再唔忿气地攞另一样野出嚟讲，话我哋今日嚟到先即时由8个人变7个人佢都已经要吉咗个位帮我哋签咗。我哋听到搲晒头，明明我哋系星期一俾订前已经讲咗7个人，reception确认咗冇问题先俾订，点解你而家话我哋即时转搞到你少咗个位做生意?! 😠
我哋即刻同Jaeson澄清返:
1. 系 贵餐厅WhatsApp bk枱时msg话bk枱后到用餐系可以减最多2位
2. 1星期俾订前已告知减1位，获告知可以先落订
3. 佢喺客人入座时先知系7位唔系8位，呢个系佢同餐厅同事沟通嘅问题，请佢同同事了解返，唔好赖落客人头上
4. 如果唔可以减人，为何reception唔喺俾订时讲唔可以?! 如果当下知道唔可以减人的话我哋可以cancel bkg
去到呢度呢位Jaeson真心冇声出，只有照收钱。。。
最后我哋亦遵守承诺，喺bk枱时已被告知嘅用餐时间6-8嘅8点钟准时交枱
长文写到呢到。。真系好长，所以本身谂住算，唔花咁多时间去打字，但过咗成个星期仍然觉得件事好唔合理，所以最后都系写出嚟。
谁对谁错，自行定断。
张贴
