香宮

营业中

休息中

炸蟹盖同埋脆米海鲜泡饭系出色嘅，但系好可惜烧鹅同埋上汤菠菜甚至冇一般普通餐厅嘅质素。烧鹅皮唔脆，肉质亦都嚡口，最令人失望嘅系个菠菜竟然系苦嘅，而且非常之嚡口。甜品方面杨枝甘露亦非常一般，坊间普通甜品舖都比佢好食。服务嚟讲，同行朋友话餐厅明显只照顾熟客，我哋第一次食好多时候要非常主动咁样招手先至会有侍应过嚟帮忙，喺其他同级数嘅餐厅嚟讲我冇见过咁差。冇人会问你究竟今日嘅餐点如何，走嘅时候都冇人同你讲再见，有朋友惯用手系左手，但系想餐具嘅时候得一个侍应有留意到将餐具摆喺佢左边，以第一次食嚟讲，我好怀疑点解佢仲可以keep到米芝莲一星？本身久仰大名亦都多有期待，希望餐厅会改善下服务质素同埋食物质素，我哋都支持留港消费，但系餐厅都得好先至会吸引更加多嘅客人或者回头客。