Teru Teru Bōzu (已結業)

呢间日本料理虽然新开张无耐，但系人气相当高，特别系多日本嘅客人，可能因为呢度既menu有日文，而且店员亦识讲日文。柚子胡椒生蚝蚝身唔算特别大只同埋肥厚，但系配上调味之后颇为清新。鳗鱼玉子烧鳗鱼嘅比例都几细下，不过食落去整体嘅味道唔错，鳗鱼同蛋味好balanced自家制酒盗芝士豆腐酒盗味道咸鲜但毫无腥味，与creamy既忌廉芝士同香脆既多士十分匹配，每人两旧都嫌唔够喉呀西京烧猪排烧得啱啱好！相当juicy，豚肉嘅肥瘦比例适中，份量都唔少，所以食到最后有少少腻，两个人分应该会比较好～值得一赞嘅系佢啲配菜好唔错，例如个日本番薯好绵软又好甜呀～～炸莲藕明太子鱼饼成个配搭味道同口感都好丰富，有天妇罗莲藕嘅爽脆、鱼糕既软糯同嚼劲，再配上香葱、木鱼丝同萝卜茸，唔错最后叫咗一个蟹肉蒸饭，用蒸笼上枱架分量看似好少，但系食起嚟都几多下，喺叫咗其他嘢食嘅情况底下，我同男朋友share呢个就啱啱好。一开头食嘅时候觉得个味道偏淡，有谂过加小小甜豉油再食，但食多两啖又发觉蟹肉嘅鲜甜味其实几出，加豉油既话反而惊抢咗呢个味道，再加上有三文鱼子嘅鲜味，整体上都ok既。整体来讲食物质素都唔错，价钱亦都合理；环境方面，枱与