王家沙 (已結業)

平时好少出街食中餐，今日突然间好想食下，就过左黎王家沙试一试。呢度装修几靓，地方都算大，职员著住制服有一种好pro嘅感觉！一入到去职员都几有笑容！仲简单介绍左有咩好食推介！由于我地太肚饿，叫左好多野食！首先，醉嘉美鸡个菜式名都好听过人，一碟醉鸡两个人食刚刚好，都算几滑，酒味几香！黎食上海野点可以唔食小笼包，一次过叫左两款，苏式鲜肉小笼包同埋招牌蟹粉小笼包，鲜肉小笼包已经够好味，蟹粉个款唔算特别！流沙奶皇包好好食！呢个好满意！一定要试，好热又流心奶皇味又重！冇得弹！正宗酸辣汤都几足料，呢配酸味较重，而我个人口咪钟意偏辣少少，但呢碗都好饮！干煸四季豆好大碟！味道都唔错，系油左少少！牛肉饼就普通，唔特别又唔算好好食！一般，冇惊喜！最后系阔佬炒饭，都Ok可以一试，炒得几干身！