風雲排檔

营业中

休息中

同朋友系呢间野食饭庆祝我生日 落单5分钟 啲𩠌基本上黎齐晒 速度黎讲真系一流 食物质素真系赞唔落口 叫左个水煮牛 同朋友都觉冇咩味 得辣油味 好似一啲盐都冇落过🤣所以问侍应拎豉油 个侍应竟然话唔肯定有冇豉油😂😂最终都有攞咗一碟仔俾我哋 加返少少味 个粟米又系不得了 点解可以将粟米整到咁Q咸又唔好食 好难做到架㖞 系咪水煮牛啲盐落晒落呢度？ total叫咗六样𩠌 最好食嘅竟然系最迟嚟到嘅蒜蓉炒菜心😂个个争住食菜 系香港食野 都唔奢求要咩好嘅服务态度㗎啦 唔知系太多人应付唔黎定点 举住只手 啲侍应睇到扮睇唔到 最经典系 有个后生女侍应睇到我举住只手 竟然反左下白眼扮睇唔到 继续做自己嘢👌🏻😏个样西到冇得再西 睇黎真系好攰🥹 ig上嘅推介真系不可信😂😂😂🤣🤣🤣