泰發泰國餐廳

营业中

休息中

之前在九龙城食过一次泰发，今日去开屯门，见倒有分店，所以就走咗去食。柠檬烧牛肉柠檬烧牛肉一定要试，绝对无得输！柠檬烧牛肉刚上枱时，已闻好香，食落去牛肉好滑好淋，有牛味，有少少辣味，提升了牛肉的肉香味。底层铺咗一啲芥兰，吸收晒所有牛肉汁，超级好味。生菜包生菜包 - 都系值得推介，佢嘅香料味好重，我地叫左小辣，辣度都有啲强，但辣得来非常惹味，有浓浓既冬阴公味，配埋生菜一齐食好得，我觉得配白饭食都唔错。泰式小食拼盘泰式小食拼盘 - 炸皮蛋，春卷，炸虾饼，炸鱼饼，串烧，最好食系炸虾饼，够弹牙，炸到金黄香脆红咖喱鸡脾相对上就一般了，咖哩唔够香同辣，鸡脾还可以。另外点了蒜蓉包用来沾咖喱食，蒜蓉包好香牛油味，唔错，不过如果蒜蓉味可以再浓啲就好。椰青焗海鲜饭椰青焗海鲜饭 - 整个饭都充满椰青既甜味同香气，海鲜虽然唔多，但个饭好好味。重点一题既系。这餐厅既食味质素真系相当好，但服务态度就真系差到一个点，希望可以改䓀一下啦。