風車

营业中

休息中

一入到去，个环境好有欧式风格。个水晶灯好靓，啲灯光啱啱好，几有情调。我叫左佢地个二人套餐set，价钱好抵又5收加一。头盘个意式田园沙律配烟鸭胸肉，首先啲沙律菜都好新鲜，配上酸酸甜甜嘅酱汁。食落去个味道好清新，同埋都好开胃。个鸭胸竟然会去皮，令到成个口感冇咁油腻。不过鸭胸会有少少偏咸，配埋沙律之后呢度就啱啱好。餐汤系南瓜汤，汤嘅南瓜味都唔错，亦冇想像中咁浓稠。而系有少少似罗宋汤嘅南瓜汤。味道好特别。主食方面，纽西兰肉眼扒我叫咗五成熟，嘅程度掌握得啱啱好，首先个肉眼扒质量好好，佢都冇太多嘅调味品，系简单嘅盐就已经令到个肉眼扒好多汁好食。我都不赞佢𠮶个焦糖菠萝🍍。个菠萝劲切成薄片之后再加焦糖，令到外皮有少少脆。菠萝嘅酸甜加上焦糖嘅甜令到成个菠萝更加好食😋而佢𠮶个波士顿龙虾意大利粉，龙虾好新鲜肉质好弹牙，个意大利粉用咗淡忌廉煮之后更加浓奶味，每一啖都好重奶油味。不过味道就篇淡啲，但系好啱呢啲唔重口味嘅人。最后到甜品系提拉米苏，正常好食嘅甜品。在蛋糕表面洒上一层可可粉而成，口感细腻饱满。