影片
更多
2024-01-19
276 浏览
🇹🇭 铜锣湾有唔少泰国菜，咁啱呢间未食过，见到 openrice 又几高分就谂住试下，结果中晒伏！💡 先讲环境，餐厅面积唔大、灯光昏暗。去到系晚上6点，现场只有两位食客。对比百乐中心嘅其他食肆，呢间唔算旺场。🍽️ 食物方面，并唔难食。叫咗个青咖喱软壳蟹（包括蒜蓉包）、泰式干炒猪肉河粉同椰汁冰。份量唔细，价钱偏高，唔系特别抵食。个人认为味道正常，但缺乏惊喜。🤵🏻♂️ 本来都想下次嚟试其他菜式，但员工态度实在极差。入座前讲明限时90分钟，我表示冇问题。过咗大半个钟，我食完唞紧，有位男员工开始分3-4次执枱，示意我离开，当时离入座时间只过咗一个钟。几分钟后，佢直程开声请我离开，原因系出面有人等位，但佢冇赶早过我入座嘅食客。我明生意难做，但讲好时间又提早赶客走，真系讲唔通。☹️ 整体嚟讲，出面好多泰菜餐厅都食到呢间嘅味道，但服务体验真系冇回头！
💡 先讲环境，餐厅面积唔大、灯光昏暗。去到系晚上6点，现场只有两位食客。对比百乐中心嘅其他食肆，呢间唔算旺场。
🍽️ 食物方面，并唔难食。叫咗个青咖喱软壳蟹（包括蒜蓉包）、泰式干炒猪肉河粉同椰汁冰。份量唔细，价钱偏高，唔系特别抵食。个人认为味道正常，但缺乏惊喜。
🤵🏻♂️ 本来都想下次嚟试其他菜式，但员工态度实在极差。入座前讲明限时90分钟，我表示冇问题。过咗大半个钟，我食完唞紧，有位男员工开始分3-4次执枱，示意我离开，当时离入座时间只过咗一个钟。几分钟后，佢直程开声请我离开，原因系出面有人等位，但佢冇赶早过我入座嘅食客。我明生意难做，但讲好时间又提早赶客走，真系讲唔通。
☹️ 整体嚟讲，出面好多泰菜餐厅都食到呢间嘅味道，但服务体验真系冇回头！
张贴