亞來街 (已結業)

上星期我同仔仔放学后到此午膳，叫咗一个香茅猪扒午餐，再另叫个虾面比仔仔，佢得三岁唔食得辣，所以特意问收银可否整个唔辣，佢话可以整鸡汤。食物到咗，夹起一碗比仔仔，我食时觉得好淡，就叫个侍应要碟“森巴酱”，呢个只系一个好普通嘅辣酱，所有马来西亚新加坡铺都会有，亦唔系贵野，只系用蕃茄蒜头辣椒等而整成。点知，个侍应唔知系咩，问个厨房两次亦唔知，唔紧要，我再解释，个侍应今次走去问个老板（原来佢一直坐系吧台），个老板竟然话个酱要收五蚊！我话只系普通辣酱点解要加钱？佢就话公司规定。我再话其他马来及新加坡铺所有虾面都会跟呢个酱，佢就话已经煮咗落去个面到！吓？个面系用鸡汤而且唔辣，点会煮咗落去？？仲有，个老板全程背住我，只系同个侍应讲野，再叫个侍应转达同我讲，但我同个老板只系相距五步，最后，我起身走埋去个老板到，同佢讲，如果佢认为个酱或五蚊咁紧要，请佢留作自用！佢亦无转身或讲任何野，跟著我亦无食完即走！呢间餐厅本身食物质素已经一般，但有如此服务，再加上老板的态度，我系以后都唔会再帮趁！当然，佢系老板，可以点对客人都可以，但我都系消费者，都有权选择永不光顾！！