美國餐廳 (已結業)

见佢开左成年都未试过，所以今晚谂唔到食咩就黎试下！自己拣左安格斯牛扒餐　($228)，另外朋友叫左海鲜套餐。套餐有前菜，叫了鸡肉凯撒沙律，原本个沙律系正常味道，其实都应该好难唔好食，但沙律唔知点解成个底都系水 ，怀疑系洗完菜无隔水，就倒落个碟度。牛扒要了5成熟，但黎到应该有7成，不过7成都接受到就算。朋友个海鲜套餐，佢既评语系好普通，唔难食。不过促使我打食评既系佢地的服务态度，佢地既价钱虽走中至高档路钱，但服务态度跟茶餐厅无分别，我地坐低唔够3分钟已经问谂好食咩未，第一次黎谂多阵都得挂？之后大部份时间都系同一个女侍应落柯打，上菜。个侍应第一次落单，到之后落甜品餐饮都系好无耐性，一黎就俾个餐牌，语气好差咁问你：食咩？饮咩？仲要覆单又覆错，要热柠水，覆热柠茶。其实我地7点零开始，食完都差唔多9点，当时已经好多吉枱无乜人，佢咁急都做唔到第二轮生意架啦，都无客黎，有无必要咩都咁急。谂住食餐好啲，同朋友倾下计，点知比佢地搞到精神紧张咩都要快谂好。对佢既食物质素已经无乜要求，但佢啲咁的服务态度真系赶客。原本都打算同屋企人黎，但而家唔洗了，唔会再黎！