影片
更多
2024-09-09
870 浏览
礼拜日夜晚walk in入去食，望到入面仲有吉枱，但系都要等15分钟先有得安排入座，同我地一齐仲有起码3枱人，咁唔紧要啦可能楼面净系得一个人，点知唔系（之后会讲）。跟住叫左一个寿司盛、和牛粒、黄金软壳蟹、吞拿鱼蓉卷，同绿茶汽水。已经比平时等得好耐（15分钟）先上菜。先上和牛粒，味道还好但咬落去d肉质感觉唔系和牛。黄金软壳蟹仲差，咬第一旧系lum身既，仲湿湿地，炸物唔应该系咁。同埋两份熟食既份量都偏细，但系收近$100。跟著寿司先系最过分，寿司盛$338但完全唔新鲜，三文鱼寿司上面旧鱼生中间断开左一部分，摆明系师傅切得唔好。吞拿鱼蓉卷d吞拿鱼颜色睇上去已经好差，偏深色而唔系平时食开既粉红色，食落都好唔新鲜。真心，可能寿司郎都高质过佢，人地仲要平好多，上菜上得快。食紧途中我地注意到楼面其实有at least 3个，但系佢哋成日同其他枱既熟客吹水。我地前面果枱就系佢哋熟客，一家三口黎，佢哋同个小朋友倾得好开心，上菜又好似真系上得快d（根据我地观察佢上菜既频率）。咁唔怪得开头等入座明明唔洗执枱都等咁耐啦，根本唔系楼面唔够，系楼面挂住吹水做嘢效率低。上晒之后我地都唔够饱，决定比多次机会嗌个鳗鱼炒
跟住叫左一个寿司盛、和牛粒、黄金软壳蟹、吞拿鱼蓉卷，同绿茶汽水。已经比平时等得好耐（15分钟）先上菜。先上和牛粒，味道还好但咬落去d肉质感觉唔系和牛。黄金软壳蟹仲差，咬第一旧系lum身既，仲湿湿地，炸物唔应该系咁。同埋两份熟食既份量都偏细，但系收近$100。
跟著寿司先系最过分，寿司盛$338但完全唔新鲜，三文鱼寿司上面旧鱼生中间断开左一部分，摆明系师傅切得唔好。吞拿鱼蓉卷d吞拿鱼颜色睇上去已经好差，偏深色而唔系平时食开既粉红色，食落都好唔新鲜。真心，可能寿司郎都高质过佢，人地仲要平好多，上菜上得快。
食紧途中我地注意到楼面其实有at least 3个，但系佢哋成日同其他枱既熟客吹水。我地前面果枱就系佢哋熟客，一家三口黎，佢哋同个小朋友倾得好开心，上菜又好似真系上得快d（根据我地观察佢上菜既频率）。咁唔怪得开头等入座明明唔洗执枱都等咁耐啦，根本唔系楼面唔够，系楼面挂住吹水做嘢效率低。
上晒之后我地都唔够饱，决定比多次机会嗌个鳗鱼炒饭希望好食，结果落完单，我地食晒之前个round d野，佢碟都收埋，个饭都未黎，呢度又等左10分钟。同行男朋友催佢问系咪落漏左，佢同我地讲话「sorry因为前面仲有几张炒饭单所以要等多15分钟」，我地即刻话「咁帮我地cancel」。炒饭理论上唔系特别难整既菜，加埋我地已经等左好耐，仲要间餐厅唔系full house。
埋单$796，真系觉得自己做左条大水鱼。最后我地都系唔饱，两个人上楼上买左包台湾炸鸡番屋企食。最不解系咁样既食物质素，竟然都可以有「熟客」？同样价位但更高质既日本餐厅，香港真系大把，强烈不推介。
张贴