Kind Kitchen (已結業)

琴日去咗上环嘅Kind kitchen 食饭，谂住试下新餐肉同新肉丝嘅菜式。新餐肉嘅所有菜式都含五辛，连餐蛋治都系，好似话系植物蛋入面有蒜。希望green common可以提供更多不含五辛嘅菜式，以迎合不同素食类别嘅人士。另外，餐牌上有一大部分嘅菜式都话售罄，所以选择唔多。新肉丝香江炸酱面 ($56)新肉丝口感偏爽，有咬口。酱汁嘅味道同未来热狗肠炒意粉嘅味一样，辣得黎带有酸味，一入口都几辣，食食下就觉得ok。呢款面附有一碗素汤，比你捞面食，食落有菇嘅味道，好似落咗菇粉或香菇去煮。如果觉得太辣都可捞埋汤黎食，咁样食又有另一种味道。未来水饺淮山面配响铃 ($62)未来水饺有得拣配新猪肉黑椒香菇水饺或新猪肉紫甘蓝粟米水饺，我哋就拣咗紫甘蓝水饺。感觉一般，我唔系好食到紫甘蓝嘅味道。未来猪柳汉堡配薯条 (原价: $88；优惠: $44)今次系我第2次食未来猪柳汉堡，今次材料比上次更丰富，多咗纯素芝士同炒杂菌，食材夹之余口感更丰富。而且依家单点汉堡有半价优惠。